Luka 14:10 - Tosi Tapu

¹⁰ Kae, ka fakaafe loa a koe, ano o nofo i le nofoaga fakamuli, o tupu ka au loa leia na fakaafe ia a koe, ti e pati atu loa a ia kiate koe : Ei loku kaukau nea, pale mai ki mua. E fakamauiga loa a koe i mua o latou fuli ala e eke loa mo koe i le laupapa kai.

Luka 14:10 ပူးပေါင်းရင်းမြစ်များ

Taagapati 15:33

Ko le i ki le Eteleno e ako ia le poto, Ti e muamua le fakataulalo i le kololia.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.

Uluaki tosi a Samuele 15:17

Na pati loa Samuele : I le temi leia na ke ikiiki ai ki ou mata, pe na leaise ke liliu loa ko le pule o faasiga o Iselaele, ti na leaise fakanofo loa a koe e le Eteleno ko le sau o Iselaele ?