Luka 13:35 - Tosi Tapu

³⁵ Koia, e tiaki ai loa lokoutou fale ke lavaki ; kae, e kau pati atu kia koutou, e leaise kotou tio loa kiate au o kaku ki lakotou pati : Manuia leia e au i le suafa o le Aliki !

Luka 13:35 ပူးပေါင်းရင်းမြစ်များ

Pesalemo 118:26

Ke tapuaki leia e au i le suafa o le Eteleno ! E motou tapuaki kia koutou o le fale o le Eteleno.

Pesalemo 69:25

Ke ke liligi kia latou lou sausau, Ti ke tapo latou e lou ita kaka !

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Selemia 22:5

Kae kapau e leaise kotou fakalogo ki folafola anei, e kau fakapapau iate au totonu, e pati le Eteleno, e maumaui loa le fale leinei.

Selemia 35:17

Koia e folafola le Eteleno, le Atua o kau tau, le Atua o Iselaele, o pati : Ko leinei, e kau kakau mai loa ki Suta mo le kakai katoa o Selusalemi a malaia fuli ala kua kau fakasa kia latou, talie kua kau masau kia latou kae na leaise lotou fakalogo, ti kua kau kalaga kia latou kae na leaise lotou tali.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Sakalia 14:2

E kau fakatasi loa a atu puleaga fuli ke lotou osoi Selusalemi. E too loa le kolo, e kaia loa a fale, ti e fakamakeke loa a fafine. E ano loa le vaelua o le kolo ki le popula. Kae e feala loa ke nofo le toega o le kakai i le kolo.

Mateo 21:9

Ko latou ala na ano i mua ti mo latou na muli ia Sesu na kalaga : Osana ki le Vosa o Tavite ! Tapusa leia e saele mai i le suafa o le Aliki ! Osana i ganea taualuga ai !

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Luka 19:41

I le ofi a Sesu ki le kolo, na tio loa a ia ki ai, ti na tagi loa a ia, o pati :

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Soane 12:13

ti na lotou too loa ni laai laakau, o ano o fakafelavei kiate ia, mo kalaga : Osana ! E manuia leia e saele mai i le suafa o le Aliki, le sau o Iselaele.