Luka 13:25 - Tosi Tapu

²⁵ Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

Luka 13:25 ပူးပေါင်းရင်းမြစ်များ

Senesi 7:16

Na ulu loa se manu tagata mo se manu fafine i faasiga manu kesekese, o mulimuli ki le nea leia na fakatotonu e le Atua kia Noe. Ti na tapono loa e le Eteleno le matapa i muli o Noe.

Pesalemo 32:6

Koia ke faikole kiate koe a tagata agatonu fuli i le temi faigamalie ! Kapau e puke ni vai lalasi, e leaise lotou kaku loa kia latou.

Esaia 55:6

Kotou afa le Eteleno koi maua a ia ; Kotou fetapa kiate ia koi nofo a ia i okoutou tafa.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Luka 13:27

Ti e tali loa a ia : E kau pati atu kia koutou, e leaise kau iloa pe ko koutou meifea ; kotou fakamamao atu iate au, koutou fuli ala e fai ia le agaveli.

Luka 3:8

Kotou fakatupu mua ni fua ala e gali mo le fakasemala, kae aua na kotou pati i okoutou loto : E motou tamana kia Apalaamo ! Talie e kau fakasa kia koutou e mafai noa le fakatupu e le Atua mei fatu anei ni fanau kia Apalaamo.

Luka 6:46

Kolea e kotou fakaigoa ai au : Aliki, Aliki ! Ti e leaise kotou fai le nea leia e kau pati ki ai ?

Lua tosi ki le kau Kolinto 6:2

Talie e pati i le Tosi : I le temi faigamalie na kau tali a koe, Ile aso o le fakamauli na kau tokoi kiate koe. Tio, ko leinei le temi faigamalie ; Tio, ko leinei le aso o le fakamauli.

Epelo 12:17

E kotou iloa, ki muli ake, na toe fia maua loa e ia le tapuaki, kae na tiaki loa a ia, logo ai lana afa a ia i ni tagi loimata ; talie na leaise mafai loa e ia ke toe fakaliliu a manatu loto o lona tamana.