Luka 13:24 - Tosi Tapu

²⁴ Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Luka 13:24 ပူးပေါင်းရင်းမြစ်များ

Taagapati 14:6

E afa e le tagata gologolo le poto, kae e leaise maua e ia a ia ; Kae ko se nea faigaofie le poto ki le tagata atamai.

Taagapati 21:25

Ko oli o le tagata gasueveli e tamate ia a ia, Talie e kaekae ona lima i le gaoi.

Ekelesiasi 10:15

E mamae le tagata valea i lana gaoi, talie e leaise iloa e ia le ano ki le kolo.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Mateo 11:12

Talu mei le temi o Soane-Patita o kaku mai ki le lakaga nei, e fakalogo le Puleaga o le atu lagi ki le makeke, ti e ulu ki ai le kau makeke.

Luka 13:23

Na pati loa se tasi kiate ia : Aliki, pe ko se ga toka teiki fua leia e saofaki loa ? Na tali loa a ia kia latou :

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Soane 13:33

Ei aku fanau liliki, ko se ga temi ikiiki fai koi kau nofo ai mo koutou. E kotou afa loa au ; ti e faipe laku pati ki le kau Sutea : E leaise mafai ke kotou au ki le ganea leia e kau ano ki ai, e kau toe fakasa atu foki a ia kia koutou i le lakaga nei.

Soane 5:4

talie na tautau ifo mai se aselo ki le maanuaga, o taposu i le vai ; ti ko leia e uluaki ifo ki ai i le oki o lana taposu i le vai e mauli loa i lona masaki.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Soane 7:34

E kotou afa loa au, ti e leaise kotou maua loa au, ti e leaise feala ke kotou au ki le ganea leia e kau nofo ai loa.

Soane 8:21

Na toe pati foki Sesu kia latou : E kau ano, ti e kotou afa loa au, ti e kotou mamate loa i lakoutou agasala ; e leaise mafai ke kotou au ki le ganea leia e kau ano ki ai.

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;

Kolose 1:29

Ko le nea lena e kau gaoi foki ki ai, o tau i lona makeke leia e gaoi makeke iate au.

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Sosue 7:3

Na lotou toe liliu ake loa kia Sosue o pati kiate ia : Ke aua na pale loa le kakai katoa ! Ke pale fai ni tino afe e lua pe tolu, ti e lotou tamate loa a Ai ! Ke aua na tuku ke pale le kakai katoa, talie e toka teiki fua le fili.

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.