Luka 12:43 - Tosi Tapu

⁴³ Manuia le tagata fakasausau lena, mo ka au loa lona pule, o maua mai a ia e fai fenaaki !

Luka 12:43 ပူးပေါင်းရင်းမြစ်များ

Pesalemo 101:6

E tuku loa oku mata ki le kau agatonu o le fenua, O tupu ke lotou nonofo i oku tafa ; Ko leia e saele i se ala saosaoa e liliu loa ko laku tagata fakasausau.

Taagapati 27:18

Ko leia e tokaga ki lona fiki e kai loa ki lona fua, Ti ko leia e tausi ki lona pule e fakamauiga loa.

Esaia 56:2

Manuia le tagata leia e fai ia le nea lena, Ti mo le vosa o le tagata leia e tuu makeke i ai, O tausi le sapato, ke aua na maumaui a ia, Ti mo tokaga ki lona lima, ke aua na fai se nea veli !

Mateo 24:46

Manuia le tagata fakasausau lena, mo ka kaku mai lona pule, o maua a ia e fai fenaaki !

Luka 12:37

Manuia a tagata fakasausau ana ka maua mai loa e le pule e alaala, mo ka kaku mai a ia ! E kau fakasa maoki atu kia koutou : E toi loa e ia lona kilii pipi, ti e fakaeke loa e ia latou ki le laupapa kai, ti e au loa a ia o takatuu kia latou.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 12:44

E kau fakasa maoki atu kia koutou, e fakanofo loa e ia a ia ke pule ki ona koloa fuli.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.