Luka 12:42 - Tosi Tapu

⁴² Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 12:42 ပူးပေါင်းရင်းမြစ်များ

Ekesote 36:4

Ti ko tagata poto tufuga fuli, latou ala na tokaga ki gaoi o le sagatualio, na tasi tuku ia loa lana gaoi, kae lotou ano loa kia Moisese, o pati :

Taagapati 12:8

E vikiviki ki le tagata o tupu ko lona atamai, Kae e vesiainai leia e loto veli.

Taagapati 15:23

E fiafia le tagata mo ka fai e ia se tali malie, Ti e feaki ake loa mo ka fai se tali malie i lona lakaga totonu.

Taagapati 27:18

Ko leia e tokaga ki lona fiki e kai loa ki lona fua, Ti ko leia e tausi ki lona pule e fakamauiga loa.

Taagapati 31:15

E tuu ake a ia koi pouli, O soli le nea kai ki lona fale, Ti mo kauga ki ana fafine fakasausau.

Esaia 50:4

Ko le Aliki, le Eteleno, na soli mai kiate au se alelo poto, O tupu ke kau iloa le masau e aoga ki leia e gaegae. E fafagu e ia, i usu fuli, e fafagu e ia loku taliga, O tupu ke kau fakalogo ofaipe le fakalogo a ni tisipulo.

Selemia 23:4

E kau fakanofo loa kia latou ni kau tausi manu Ala e fagai ia loa latou. E leaise lotou toe i loa, pe toe gagae loa, Ti e leaise puli loa se ovi e tasi, e pati le Eteleno.

Esekiele 34:3

Na kotou kai le gako, ti na kotou teu ki le fului akeno, ti na kotou tamate a manu pepeti, ti na leaise kotou fagai le kau ovi.

Mateo 13:52

Ti na pati loa a ia kia latou : Koia ko sekelipa fuli kua ako o uiga mo le Puleaga o le atu lagi, e tatau mo se pule kaiga leia e too ia mei lona koloa ni nea foou mo ni nea afea.

Mateo 20:8

I le afiafi, na pati loa le pule o le vite ki lana tagata pule koloa : Kalagai le kau gaoi, ti ke totogi latou, o kamata meia latou ala na muli o fai kia latou ala na mua.

Luka 12:43

Manuia le tagata fakasausau lena, mo ka au loa lona pule, o maua mai a ia e fai fenaaki !

Luka 7:13

I le tio a le Aliki ki le fafine, na manavaalofa loa a ia kiate ia, o pati : Aua na ke tagi !

Luka 7:19

Ti na kalagai loa e ia se toka lua ia latou, o kakau laua kia Sesu, o vesili kiate ia : Pe ko koe leia e tonu ke au, pe tonu ke motou talitali ki se tasi ake ?

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Uluaki tosi kia Timoteo 3:15

kae kapau e kau tuvai atu, ke ke iloa loa le nea leia e tonu ke fai i le fale o le Atua, leia ko le Ekelesia o le Atua mauli, ko le pou, mo le fakatafito, ti mo le taofiaga o le maoki.

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.

Lua tosi kia Timoteo 4:2

ke ke fakasa le folafola : too a faigamalie fuli, pe malie pe veli ; valoki, mo fakatonutonu, mo ekenaki, i le kataki fualoa katoa ti mo le akonaki.

Tito 1:7

Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Epelo 13:7

Kotou manatui okoutou kau takitaki ala na fakasa ia atu kia koutou le folafola a le Atua ; kotou tio ki le fakaoki o lolatou mauli, ti kotou faifaitaki lalatou tui.

Epelo 3:5

Kia Moisese, na agatonu a ia i le fale katoa o le Atua, ofaipe se tagata fakasausau, ke fakamaoki ki le nea leia e tonu ke fakasa ;

Uluaki tosi a Petelo 4:10

Ofaipe ni tagata taupau koloa malie o kalasia kesekese o le Atua, ke kotou tasi fakaaoga kia koutou le nea alofa leia kua kotou maua.