Luka 12:4 - Tosi Tapu

⁴ E kau pati atu kia koutou, kia koutou ala ko oku kaukau nea : Aua na kotou i kia latou ala e tamate ia le tino, ti oki, ti e leaise lotou mafai se tasi ake a nea.

Luka 12:4 ပူးပေါင်းရင်းမြစ်များ

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Katiko o Katiko 5:16

Ko lona gutu ko le suamalie ata, Ti ko lona tagata katoa e apele i le tauleleka. Ko lena loku mamanaaga, ko lena loku alofaaga, Taineliki o Selusalemi !

Esaia 41:8

Kae ko koe, Iselaele, laku tagata fakasausau, Sakopo, leia na kau filifili, Sakoga o Apalaamo leia na kau alofa ki ai !

Selemia 1:17

Ti ko koe, toi lou kilipipi, ti ke tuu ki aluga, ti ke fakasa kia latou a nea fuli ala e kau fakatotonu atu loa kiate koe. Aua na ke lulu i olatou mua, ke aua na kau fakalulu loa a koe i olatou mua.

Selemia 1:8

Aua na ke i kia latou, talie e kau nofo mo koe o saofaki a koe, e pati le Eteleno.

Selemia 41:18

o mamao mei le kau Kaletea, ala na lotou i ki ai, o tupu ko le tamate e Isemaele, vosa o Netania, a Ketalia, vosa o Asikame, leia na fakanofo e le sau o Papilone ko le kovana o le fenua.

Esekiele 2:6

Ti ko koe, vosa o le tagata, aua na ke i kia latou, aua na ke i kia alatou masau, logo ai e ke maua i ou tafa ni laakau talatala mo ni laakau sukisuki, ti e ke nofo fakatasi mo ni sekolopio ; aua na ke i o tupu ko alatou masau, ti aua na ke lulu o tupu ko olatou mata, talie ko se famili latou o ni kau agatuu.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Soane 15:13

E leaise alofa e toe lasi ake i le soli o lona mauli o tupu ko ona kaukau nea.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 4:13

I lalatou tio ki le tuu makeke o Petelo mo Soane, na lotou punamauli ai, talie na lotou iloa ko ni tagata laua o le kakai, ala na leaise sekola ; ti na lotou iloa na la nonofo mo Sesu.

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Sakopo 2:23

Na fakamaoki i ai le nea leia e fakasa e le Tosi : Na tui Apalaamo ki le Atua, ti na lau le nea lena kiate ia ko se faitotonu ; ti na fakaigoa a ia ko le kaukau nea o le Atua.

Uluaki tosi a Petelo 3:14

Ti kapau e kotou mamae foki o tupu ko le faitotonu, e kotou manuia loa. Ke aua na kotou i fua ki tagata, ti ke aua na kotou nofo sosa fua ki se nea ;

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.