Luka 12:37 - Tosi Tapu

³⁷ Manuia a tagata fakasausau ana ka maua mai loa e le pule e alaala, mo ka kaku mai a ia ! E kau fakasa maoki atu kia koutou : E toi loa e ia lona kilii pipi, ti e fakaeke loa e ia latou ki le laupapa kai, ti e au loa a ia o takatuu kia latou.

Luka 12:37 ပူးပေါင်းရင်းမြစ်များ

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Mateo 24:42

Kotou alaala, talie e leaise kotou iloa le aso leia e au ai loa lokoutou Aliki.

Luka 12:36

Ti ko koutou, ke kotou faipe ni tagata ala e talitali ke toe liliu mai lolatou pule mei se faiavaga, o tupu ke fakamavaa kiate ia le matapa mo ka kaku mai o fitifiti i le matapa.

Luka 12:43

Manuia le tagata fakasausau lena, mo ka au loa lona pule, o maua mai a ia e fai fenaaki !

Luka 17:8

Pe leaise pati loa a ia kiate ia : Teuteui mai kiate au se nea kai, tui ou kofu o takatuu mai kiate au, ke kau kai mo inu ; kao oki a ia, tio ke kai mo inu loa ?

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Luka 22:27

Talie ko ai leia e lasi, pe ko leia e eke i le laupapa, pe ko leia e fakasausau ? Pe leaise ko leia e eke i le laupapa ? Kae ko au, e kau nofo i loto malie o koutou ofaipe leia e fakasausau !

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Uluaki tosi ki le kau Kolinto 2:9

Kae, ofaipe lona tuu i le tosi : Ko ni nea ala na leaise tio ki ai le mata, ti na leaise logo ki ai le taliga, ti na leaise ulu ki le loto o le tagata, ko ni nea ala na teuteui e le Atua kia latou ala e alofa kiate ia.

Filipe 1:21

talie ko Kilisito ko loku mauli, ti ko le mate ko se fakapale a ia kiate au.

Filipe 1:23

Talie e toso au e nea e lua : E kau oli ke kau ano, o nofo mo Kilisito ; ko se nea a ia leia e malie tukupau ake ;

Lua tosi a Petelo 1:11

Talie i le nea a ia, e fakamavaa fakalaulasi atu loa kia koutou le uluaga ki le Puleaga lee gato o lotatou Aliki mo Fakamauli ko Sesu-Kilisito.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Apokalipisi 14:13

Ti na kau logo loa ki se leo mei le lagi leia na pati mai kiate au : Tosi : Manuia i le temi nei, le kau mate ala e mate i le Aliki ! Io, e pati le Laumalie, o tupu ke lotou malolo i alatou gaoi pakia, talie e muli alatou gaoi ia latou.

Apokalipisi 16:15

Ko leinei, e kau au ofaipe se tagata kaia. Manuia leia e alaala, ti mo taupau ia ona kofu, o tupu ke aua na saele telefua ti ke aua na tio ki lona luma !

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.