Luka 12:33 - Tosi Tapu

³³ Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 12:33 ပူးပေါင်းရင်းမြစ်များ

Taagapati 13:7

E mauli se tasi ofaipe se nea mou koloa, kae e leaise maua sana nea, Ti e mauli se tasi ofaipe se nea mativa kae nofo a ia mo ni koloa lalasi.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.

Mateo 19:21

Na pati loa Sesu kiate ia : Kapau e ke loto ke ke malie tukupau, ano o fakatau le nea leia e ke maua, soli a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 12:21

E toe fenaaki foki ki leia e tanaki ia ni koloa kiate ia, kae e leaise mou koloa a ia i mua o le Atua.

Luka 16:9

Ti ko au, e kau pati atu loa kia koutou : Kotou fai ni okoutou kaukau nea ki koloa fakamalama, o tupu ke lotou tali koutou i nofoaga lee gato, mo ka puli loa a koloa ana.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Soane 12:6

Na pati a ia ki le nea lena, o leaise tupu na mamae a ia ki le kau mativa, kae tupu ko se tagata kaia a ia, ti e i lana taupau le kisi paaga, na tau too e ia le nea leia na tuku ki ai.

Gaoi 2:45

Na lotou fakatau olatou kele mo olatou koloa, ti na lotou tufatufa ia latou fuli lona paaga, o mulimuli ki le nea leia e aoga ki le tagata taki toka tasi.

Lua tosi ki le kau Kolinto 8:2

Talie i le asiasii lasi i olatou mamae, ko lolatou fiafia lasi mo lolatou mativa lasi na fakatupu ia o lasi ai ni soli o nea alofa ia latou.