Luka 12:21 - Tosi Tapu

²¹ E toe fenaaki foki ki leia e tanaki ia ni koloa kiate ia, kae e leaise mou koloa a ia i mua o le Atua.

Luka 12:21 ပူးပေါင်းရင်းမြစ်များ

Taagapati 13:7

E mauli se tasi ofaipe se nea mou koloa, kae e leaise maua sana nea, Ti e mauli se tasi ofaipe se nea mativa kae nofo a ia mo ni koloa lalasi.

Oseo 10:1

Ko Iselaele ko se vite fua, Leia na soli ia ni fua lasi ai. Kae na lasi ona fua ; Ti na lasi lana liuliuga a aletale ; Kae na lasi le mou koloa o lona fenua, Ti na lasi lana fakafulumalie a fakatata.

Apakuki 2:9

Malaia ki leia e tanaki ia ki lona fale ni totogi kaia, O tupu ke fakatuu lona ofaga i se ganea taualuga, Ke sao ai i le lima o le malaia !

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 16:11

Kapau loa e leaise kotou agatonu i koloa fakamalama, ko ai e tuku ia loa kia koutou a koloa maoki ?

Luka 6:24

Kae, malaia kia koutou, kau mou koloa, talie kua kotou maua lokoutou fimalie !

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Uluaki tosi kia Timoteo 6:9

Kae ko latou ala e fia mou koloa, e vivilo ki le fakasala, mo le masele, ti mo ni oli fakavale mo fakamamae, ala e fakauku ia a tagata ki le maumau mo le pulinoa.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Apokalipisi 2:9

E kau iloa lou mamae ti mo lou mativa (logo ai e ke mou koloa), ti mo loi fakaveli a latou ala e pati ko Sutea latou kae e leaise lotou Sutea, kae ko se sinakoka latou o Satana.