Luka 12:20 - Tosi Tapu

²⁰ Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Luka 12:20 ပူးပေါင်းရင်းမြစ်များ

Esitele 5:11

Na masau loa Amane kia latou ki le lasi mo le fulumalie o ona koloa, mo le lasi o ona vosa, mo nea fuli ala na fai e le sau ke fakaalialiki ai a ia, mo le tuulaga leia na soli ake e le sau kiate ia i aluga o le kau pule mo le kau tagata fakasausau a le sau.

Sopo 27:8

Ko le amanaki malie fea leia e toe ki le tagata agasala, Mo ka tuuti e le Atua le va o lona mauli, Mo ka too e le Atua lona laumalie ?

Pesalemo 39:6

Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.

Pesalemo 49:10

E leaise lotou mauli loa o lee gato, E leaise lotou sala loa mo le tio ki le popoko.

Pesalemo 73:19

Kolea koia ! I se kemo o le mata ko lena latou kua maumau ! Kua too latou, kua lotou pupuli i se mate fakafokifa !

Pesalemo 78:30

Na leikiaise fimalie olatou loto, Ti na koi tuku alatou nea kai i olatou gutu,

Taagapati 10:2

E leaise aoga a koloa fakapulipuli o le agasala, Kae e fakamauli e le faitotonu i le mate.

Taagapati 11:4

I le aso o le sausau, e leaise aoga le mou koloa ; Kae e fakamauli i le mate e le faitotonu.

Taagapati 13:7

E mauli se tasi ofaipe se nea mou koloa, kae e leaise maua sana nea, Ti e mauli se tasi ofaipe se nea mativa kae nofo a ia mo ni koloa lalasi.

Taagapati 27:1

Aua na ke viki a koe o uiga mo le aso apogipogi, Talie e leaise ke iloa le nea leia e mafai ke fanaui e lena aso.

Taagapati 28:8

Ko leia e fakalasi ia ona koloa ki lana paaga na soli ke toe totogi ake mo se tupu, mo se tupu mamafa, E tanaki ia latou ki leia e alofa ki le kau mativa.

Esaia 56:12

Kotou au, e kau ano nei o afa mai se vino, Ti e tou inu loa ni kava makeke ! I le aso nei o tatau mo apogipogi, Talie e lasi a nea inu !

Selemia 17:11

Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Amosi 6:13

E kotou fakafiafia ki le nea leia e noa, E kotou pati : Pe leaise ko lomatou makeke Leia na motou maua ai le malo ?

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Luka 11:40

Kau valeuka ! ko leia na fau ia a tafa pe na leaise fau foki e ia mo loto ?

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi kia Timoteo 6:7

talie na leaise tou aumai ia se nea ki le malama nei, ti e tou iloa fakapapau e leaise feala ke tou toe ave ia se nea ;

Sakopo 4:14

Kotou ala e leaise iloa ia fua le nea ka soko i apogipogi ! Talie kolea lokoutou mauli ? Ko se afu koutou leia e sa i se ga temi noa, ti puli.