Luka 12:2 - Tosi Tapu

² E leaise nea leia e munia e leaise tonu ke sa loa, ti e leaise nea leia e fakapulipuli e leaise tonu ke iloa loa.

Luka 12:2 ပူးပေါင်းရင်းမြစ်များ

Ekelesiasi 12:14

Koia ei loku vosa, ke ke ako mei nea ana ; e leaise toe oki loa, mo kapau e loto ke fai se tuuga tosi, ti e fakatupu gaegae ki le tino le ako lasi.

Selemia 16:17

Talie e tokaga oku mata ki olatou ala fuli, E leaise munia olatou ala i oku mua, Ti e leaise puli alatou agaveli ki oku mata.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Maleko 4:22

Talie e leaise nea e ufiufi, e leaise tonu ke fakasa, ti e leaise nea e fakapulipuli, e leaise se tonu ke iloa.

Luka 8:17

Talie e leaise nea munia, e leaise fakasa loa ; ti e leaise nea fufu, e leaise iloa loa ti e leaise tuku loa ki le malama.

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.