Luka 12:19 - Tosi Tapu

¹⁹ ti e kau pati loa ki loku laumalie : Ei loku laumalie, kua lasi ai ou koloa ala kua tanaki ki ni fetuu mauke ai ; malolo la, mo kai, mo inu, ti mo fiafia.

Luka 12:19 ပူးပေါင်းရင်းမြစ်များ

Sopo 14:1

E tupu le tagata mei le fafine ! E toetoe fua lona mauli, ti e apele a ia i mamae.

Pesalemo 49:18

Talie e leaise ave e ia se nea i lona mate, E leaise ifo ona koloa i ona muli.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Taagapati 10:2

E leaise aoga a koloa fakapulipuli o le agasala, Kae e fakamauli e le faitotonu i le mate.

Taagapati 14:24

Ko le koloa ko se pala ki le kau poto ; Kae ko le valea o le kau vale e tuu mau aifai ko le valea.

Taagapati 18:11

Ko le koloa ko se kolo makeke ki le tagata mou koloa ; E pati a ia, ko se paa taualuga a ia.

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Taagapati 27:1

Aua na ke viki a koe o uiga mo le aso apogipogi, Talie e leaise ke iloa le nea leia e mafai ke fanaui e lena aso.

Ekelesiasi 2:24

Ko le nea e tasi e fiafia ai le tagata : ko le kai, mo le inu, ti mo le fakafiafia o lona laumalie ki le fua o lana gaoi ; kae na kau tio foki ko le Atua leia e soli ia le nea lena.

Esaia 22:13

Kae ko leinei kua kotou katakata ti kua kotou fiafia ! Kua tamate ni pipi tagata mo ni ovi ; Kua kai ni inati ti kua inu le vino : Tou kakai ti tou iinu, talie e tou mamate loa apogipogi !

Esaia 5:11

Malaia kia latou ala e makape usuusu o afa ni kava makeke, Ti e fakaoki tausala lalatou inu vino i le pouli !

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Esaia 56:12

Kotou au, e kau ano nei o afa mai se vino, Ti e tou inu loa ni kava makeke ! I le aso nei o tatau mo apogipogi, Talie e lasi a nea inu !

Oseo 12:8

Ko Efalaimi ko se tagata faikoloa e too ia i lona lima ni fua salasala, Ti e alofa a ia ki le kaka.

Amosi 6:13

E kotou fakafiafia ki le nea leia e noa, E kotou pati : Pe leaise ko lomatou makeke Leia na motou maua ai le malo ?

Apakuki 1:16

Koia leia e momoli ai e ia ni sakilifisio ki lona kupega, E tutu ai e ia se iseso ki ana kukuti ; Talie e maua e ia ni nea kai gako mo kano malie i nea ana.

Luka 12:18

Ti na pati loa a ia, ko leinei le nea leia ka kau fai loa : E kau maumaui loa oku fale tanakiaga magiti, ti e kau toe fakatuu loa ni iki ake ala e toe lalasi ake, ti e kau tanaki loa ki ai aku magiti fuli mo oku koloa fuli ;

Luka 16:19

Na i ai se tagata mou koloa, leia na lava ki ni kie fulumalilie mo mauiga ai, ti na kai nea malilie a ia i aso taki tasi.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Uluaki tosi ki le kau Kolinto 15:32

Kapau ko ni tio fakatagata ala na kau tau ai ki manu fekai i Efeso, kolea lona aoga mai kiate au ? Kapau e leaise toe tuuake le kau mate, Tou kai ti tou inu, talie e tou mamate loa apogipogi.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Uluaki tosi kia Timoteo 5:6

Kae ko le lokonui leia e mauli i fiafia fakamalama, kua mate a ia logo ai koi mauli.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Lua tosi kia Timoteo 3:4

mo fakapapau loi, mo loto oso, mo makita i le fia nealasi, mo alofa ki fiafia fakamalama o lasi ake i le Atua ;

Sakopo 5:5

Kua kotou mauli i le malama nei i fiafia lalasi mo fiafia veveli o le tino, ti kua kotou fakamakona okoutou loto i le aso o le katoaga.

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.

Apokalipisi 18:7

Kotou soli kiate ia ni mamae mo ni malaia ke tatau mo lona kololia ti mo lona koloa. Talie e pati a ia i lona loto : E kau ekeeke i leinei ko le fafine aliki, e leaise kau iloa ia le mauli lokonui, ti e leaise kau iloa ia le mamae !

Uluaki tosi a Samuele 30:16

Na taki loa e le tagata a Tavite o kaku ki le kau Amaleke. Ti ko leinei, kua mavetevete le kau Amaleke i le potu fenua lena, o kai, mo inu ti mo mako, o tupu ko le lasi o koloa leia kua lotou maua mei le fenua o le kau Filisitini mo le fenua o Suta.