Luka 12:17 - Tosi Tapu

¹⁷ Ti na fakakaukau loa a ia i lona loto, o pati : Kolea ka kau fai loa ? Talie e leaise ganea leia ke tanaki ai laku magiti.

Luka 12:17 ပူးပေါင်းရင်းမြစ်များ

Ekelesiasi 11:2

soli se vaega ki se toka fitu, pe ki se toka valu foki, talie e leaise ke iloa le malaia leia e soko loa i le malama nei.

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Mateo 16:7

Na manatu loa le kau tisipulo i olatou loto, o pati : E tupu talie na leaise tou too ni pane.

Mateo 5:42

Soli ki leia e kole atu kiate koe, ti aua na ke titua ki leia e fia too maua meiate koe.

Luka 10:25

Na tuu loa ki aluga se toketa o le lao o pati kia Sesu, ke asiasii ai a ia : Pule, kolea le nea e tonu ke kau fai ke maua ai le mauli lee gato ?

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 12:16

Ti na fakasa loa e ia kia latou se folafola fakatata : Na fua o lasi ai a kele o se tagata mou koloa.

Luka 12:18

Ti na pati loa a ia, ko leinei le nea leia ka kau fai loa : E kau maumaui loa oku fale tanakiaga magiti, ti e kau toe fakatuu loa ni iki ake ala e toe lalasi ake, ti e kau tanaki loa ki ai aku magiti fuli mo oku koloa fuli ;

Luka 12:22

Na pati loa Sesu ki ana tisipulo : Koia e kau pati ai kia koutou : Aua na kotou tuania ki lokoutou mauli ki le nea leia ka kotou kai loa, pe ki okoutou tino ki le nea leia ka kotou lava loa.

Luka 12:29

Ti ko koutou, aua na kotou mamae o afa tuumau le nea leia ka kotou kai loa mo le nea leia ka kotou inu loa,

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 16:3

Na pati loa le tagata taupau koloa i lona loto : Kolea e kau fai loa, talie kua too e loku pule loku tulaga ? Gaoi ki le kele ? E leaise kau mafai a ia. Kaiisi ? E kau luma.

Luka 16:9

Ti ko au, e kau pati atu loa kia koutou : Kotou fai ni okoutou kaukau nea ki koloa fakamalama, o tupu ke lotou tali koutou i nofoaga lee gato, mo ka puli loa a koloa ana.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 19:17

Na pati loa le sau kiate ia : Malie, tagata fakasausau agamalie ; talie na ke agatonu i se ganea ikiiki, tali e koe le pule ki ni kolo e kau agafulu.

Luka 3:11

Na tali loa Soane kia latou : Ko leia e maua ia ni kofu e lua ke vaevae e ia mo leia e sala kofu, ti ko leia e maua ia se nea kai ke toe fai fenaaki.

Gaoi 16:30

Ti na taki loa e ia laua ki fafo, o pati : Ei aliki, kolea e tonu ke kau fai ke kau mauli ai ?

Gaoi 2:37

I lalatou logo ki le masau lena, na lotou logoi i olatou loto se fakasemala lasi ai, ti na lotou pati loa kia Petelo mo la ake apositolo : Kau tagata ko fetaina, kolea le nea leia e tonu ke motou fai ?

Loma 12:13

Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi a Soane 3:16

I le nea leinei, e tou iloa ai le alofa : na soli e Ia lona mauli o tupu ko tatou. Ko tatou foki, e tonu ke tou soli otatou mauli o tupu ko fetaina.