Luka 11:48 - Tosi Tapu

⁴⁸ Koia e kotou liliu ai loa ko ni tagata fakamaoki ki gaoi o okoutou tupuaga, talie na lotou tamate le kau polofeta, ti e kotou fau olatou tanuma.

Luka 11:48 ပူးပေါင်းရင်းမြစ်များ

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Sopo 15:6

E leaise ko au, kae ko lou gutu leia e fakalakasala ia a koe ; Ko ou laugutu ala e fakamaoki kiate koe.

Pesalemo 64:8

E fana e le Atua ana gasau kia latou, E fokifa kua lotou lavelavea :

Esekiele 18:19

E kotou pati : Kolea e leaise amo ai loa e le vosa le agasala a lona tamana ? Talie na fai e le vosa o mulimuli ki le faitotonu mo le maoki, talie na tausi e ia ti mo fai e ia aku lao fuli ; e mauli loa a ia.

Mateo 23:27

Malaia kia koutou, kau sekelipa mo kau faliseo malualoi ! Talie e kotou faipe ni tanuma tetea, ala e sa mai i tafa e fulumalie, kae i loto, e kotou apele ko ivi mate ti mo kelekele fuli.

Mateo 23:31

E kotou fakamaoki i lena kia koutou totonu, ko koutou ko vosa o latou ala na tamate ia le kau polofeta.

Luka 11:47

Malaia kia koutou ! Talie e kotou fau a tanuma o le kau polofeta, ala na tamate e okoutou tupuaga.

Luka 11:49

Koia na fakasa ai e le Atua i lona poto : E kau kakau loa kia latou ni polofeta mo ni apositolo ; ti e lotou tamate loa a iki kae e lotou fakavelivelii loa a iki.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Sakopo 5:10

Ei oku fetaina, kotou too le kau polofeta, ala na masau i le suafa o le Aliki, ofaipe ni faifaitakiaga o le kataki fualoa i le mamae.

Sosue 24:22

Na pati loa Sosue ki le kakai : E kotou fakamaoki kia koutou totonu ko koutou ala na filifili ia le Eteleno ke tausi kiate ia. Ti na lotou tali loa : E motou fakamaoki !