Luka 11:42 - Tosi Tapu

⁴² Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Luka 11:42 ပူးပေါင်းရင်းမြစ်များ

Neemia 10:37

ke aumai ki le kau tagata faisakilifisio, ki kogafale o le fale o lomatou Atua, a uluaki fua o lamatou falina kua lusi ti mo amatou moliga o laakau fua fuli, mo le vino, mo le lolo ; ti ke soli le vaega kau agafulu o lomatou kele ki le kau Levi, ti e tonu ke lotou too le vaega lena i kele fuli ala kua motou gaoi.

Taagapati 21:3

Ko le fai o le faitotonu mo le maoki, Ko lena le nea e mauiga ake ki le Eteleno i sakilifisio.

Ekelesiasi 7:18

E malie ke ke taofi mau le tasi, ti aua na tiaki leia, talie ko leia e i ki le Atua e leaise tonu ke vilo ki nea fuli ana.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Mateo 23:23

Malaia kia koutou, kau sekelipa mo kau faliseo malualoi ! Talie e kotou totogi le vaega kau agafulu o le menete, mo le aneti, mo le kumini, kae e kotou tuku kese a nea mauiga o le lao, le faitotonu, mo le manavaalofa, ti mo le maokioki : Ko na a nea ala e tonu ke fai, ti e leaise fakanoai foki mo la ake a nea.

Mateo 23:27

Malaia kia koutou, kau sekelipa mo kau faliseo malualoi ! Talie e kotou faipe ni tanuma tetea, ala e sa mai i tafa e fulumalie, kae i loto, e kotou apele ko ivi mate ti mo kelekele fuli.

Luka 18:12

E kau sesunio tua lua i le vasaa, ti e kau soli le vaega kau agafulu o oku koloa fuli.

Soane 5:42

Kae e kau iloa e leaise koi maua ia koutou le alofa ki le Atua.

Uluaki tosi a Soane 4:20

Kapau e pati se tasi : E kau alofa ki le Atua, kae vesia a ia ki lona taina, ko se tagata gutu loiloi a ia ; talie ko leia e leaise alofa ki lona taina leia e tio a ia ki ai, e feaki loa ke alofa a ia ki le Atua leia e leaise tio a ia ki ai ?

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.