Luka 11:41 - Tosi Tapu

⁴¹ E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 11:41 ပူးပေါင်းရင်းမြစ်များ

Pesalemo 112:9

E fai e ia ni tufa koloa, e soli e ia ki le kau mativa ; E tuu lona faitotonu o lee gato ; E malaga lona ulu i le kololia.

Pesalemo 41:1

Ki le pule o le kau sua. Pesalemo a Tavite.

Taagapati 14:31

Ko le fakaveliveli o le tagata mativa ko le lauveli ki leia na fakatupu ia a ia, Kae ko le alofa ki leia e fakaaloalofa ko le fakamauiga o leia na fakatupu ia a ia.

Taagapati 16:6

I le agamalie mo le agatonu e fakamolemole ai ki le agaveli, Ti i le i ki le Eteleno e tafoki ai mei le veli.

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Mateo 26:11

talie e kotou maua tuumau le kau mativa, kae e leaise kotou maua tuumau au.

Mateo 5:42

Soli ki leia e kole atu kiate koe, ti aua na ke titua ki leia e fia too maua meiate koe.

Maleko 7:19

Talie e leaise ulu le nea lena ki lona loto, kae ki lona manava, leia e fakamea ai a nea kai fuli, kae ano ki tafa le nea leia e leaise aoga.

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 16:9

Ti ko au, e kau pati atu loa kia koutou : Kotou fai ni okoutou kaukau nea ki koloa fakamalama, o tupu ke lotou tali koutou i nofoaga lee gato, mo ka puli loa a koloa ana.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 19:8

Kae na tuu ake loa Sakeo i mua o le Aliki, o pati kiate ia : Aliki, ko leinei, e kau soli ki le kau mativa le vaelua o oku koloa, ti kapau na kau kaia se paaga a se tasi, e kau toe fakaliliu loa kiate ia le nea lena o liuga fa.

Gaoi 10:15

Ti na toe pati loa le leo kiate ia ko lona tua lua a ia : Ko le nea leia kua fakasa e le Atua e mea, aua na ke tio ki ai ofaipe se nea e kelekele.

Gaoi 11:29

Ti na fai loa se tonu e le kau tisipulo ke ave se tokoi ki fetaina i Sutea, o fakalogo ki le nea leia e mafai e le tagata taki toka tasi.

Gaoi 24:17

I le oki o laku puli i ni fetuu mauke ai, na kau au loa o fai ni nea alofa ki loku puleaga, ti mo fai ni moliga.

Lua tosi ki le kau Kolinto 8:12

Talie kapau e maua le loto malie ke soli, e tali e le Atua le nea leia e soli o mulimuli ki le nea leia e maua, kae e leai ki le nea leia e leaise maua.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Tito 1:15

E mea nea fuli kia latou ala e mea ; kae e leaise mea se nea kia latou ala e kelekele mo tui gataa ; talie kua kelekele olatou atamai mo olatou loto.

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.