Luka 11:40 - Tosi Tapu

⁴⁰ Kau valeuka ! ko leia na fau ia a tafa pe na leaise fau foki e ia mo loto ?

Luka 11:40 ပူးပေါင်းရင်းမြစ်များ

Senesi 1:26

Ti na pati loa le Atua : Ke tou fakatupu le tagata o fakatatau kia tatou, ti ke pule a ia ki ika o le tai, mo manu lele o le lagi, mo manu lalata, ti mo manu totolo o le kele.

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Pesalemo 14:1

Ki le pule o le kau sua. Pesalemo a Tavite. E pati le vale i lona loto : E leaise Atua ! Kua lotou veli, kua lotou fai ni gaoi fakalialia. E leaise fa toka tasi fua e fai ia le malie.

Pesalemo 33:15

A ia leia na gaoi ia a loto o tagata fuli, Leia e tokaga ki alatou gaoi fuli.

Taagapati 1:22

Ei kau vale, e kaku loa kiafea lakotou oli ki le valea ? E kaku loa kiafea le fiafia a le kau fakagologolo i le gologolo ? E kaku loa kiafea le vesia a le kau vale ki le poto ?

Taagapati 8:5

Kau valelea, kotou ako le tio fakapoto ; Kau sala atamai, kotou ako le tio iloa.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Sakalia 12:1

Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Mateo 23:17

Kau vale ti mo kau kivi ! Kofea le nea leia e mauiga ake, ko le aulo pe ko le fale tapu leia e fakatapu ia le aulo.

Mateo 23:26

Kau faliseo kivi, uluaki fufulu mua a loto o le ipu mo le pa, o tupu ke liliu loa a tafa o mea.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Uluaki tosi ki le kau Kolinto 15:36

Ko le vale a koe ! ko le nea leia e ke muluki e leaise mauli mo kapau e leaise mate mua a ia.

Epelo 12:9

Tou manatui o tou tamana fakatino : na lotou tautea tatou, ti na tou fakaapaapa kia latou. Pe leaise tonu ke toe lasi ake latatou fakalogo ki le Tamana o laumalie, o tupu ke tou maua le mauli ?