Luka 11:4 - Tosi Tapu

⁴ fakamolemole mai ki amatou agasala, talie e motou fakamolemole foki kia latou ala e agasala mai kia matou ; ti aua na ke tuku matou ki le fakasala.

Luka 11:4 ပူးပေါင်းရင်းမြစ်များ

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Uluaki tosi o Sau 8:34

ke ke tali latou mei le atu lagi, ke ke fakamolemole le agasala o lou kakai ko Iselaele, ti ke ke toe aumai latou ki le fenua leia na ke soli ki olatou tamana !

Uluaki tosi o Sau 8:36

ke ke tali loa latou mei le atu lagi, ke ke fakamolemole loa le agasala o au tagata fakasausau ti mo lou kakai ko Iselaele, leia e ke ako loa ki ai le ala malie leia e tonu ke lotou saele ai, ti ke ke kakau mai loa le ua ki le kele leia na ke tuku ke maua tofiga e lou kakai !

Pesalemo 121:7

E taupau loa a koe e le Eteleno i veli fuli, E taupau loa e ia lou laumalie ;

Pesalemo 25:11

Eteleno, e ke Atua ! Koia e ke fakamolemole ai ki laku agaveli, talie e lasi ai a ia.

Pesalemo 25:18

Ke ke tio ki loku malaia mo loku pakia, Ti ke ke fakamolemole ki aku agasala fuli.

Taniela 9:19

Aliki, fakalogo ! Aliki, fakamolemole ! Aliki, tokaga ! gaoi, aua na ke toe talitali, o tupu ko lou alofa kiate koe, ei loku Atua ! Talie e kalagai lou suafa i lou kolo ti mo lou kakai.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Mateo 18:35

Ti e fai fenaaki loa kia koutou e loku Tamana leia e nofo i le atu lagi, mo kapau e leaise kotou tasi fakamolemole ki lona taina i le loto katoa.

Mateo 26:41

Kotou alaala ti kotou faikole, ke aua na kotou siga ki le fakasala ; e makeke le laumalie kae gaegae le tino.

Luka 11:5

Na toe pati loa Sesu kia latou : Kapau e maua e se tasi o koutou sona kaukau nea, ti e ano a ia o afa a ia i le vaeluapo, o pati kiate ia : Ei loku kaukau nea, soli mai mua ni fa pane e tolu,

Luka 13:4

Ti ko le tino agafulu tupu valu leia na solo ki ai le tule o Siloe, pe kotou manatu na lotou agasala lasi ake i la ake kakai fuli o Selusalemi ?

Luka 22:46

ti na pati loa a ia kia latou : Kolea e kotou momoe ai ? Kotou tutuu o faikole, o tupu ke aua na kotou siga ki le fakasala.

Luka 8:13

Ko latou ala na maluku i le ganea fatufatua, ko latou ala, i lalatou logo ki le folafola, na tali ia a ia i le fiafia ; kae e leaise lotou maua ia se aka, ti e lotou tui fua i se ga temi, ti e lotou siga i le lakaga o le fakasala.

Soane 17:15

E leaise kau kole atu kiate koe ke ke too latou mei le malama nei, kae ke ke saofaki latou mei le veli.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Kolose 3:13

Ke kotou fekatakiaki i okoutou vasaa, ti kapau e mamae se tasi ki se tasi i se nea, ke kotou fefakamolemoleaki. Ke kotou fakamolemole foki ofaipe Kilisito leia na fakamolemole kia koutou.

Lua tosi ki le kau Tesalonika 3:3

E agatonu le Aliki, e fakamakeke loa e ia koutou, ti e puipui loa e ia koutou mei leia e veli.

Lua tosi kia Timoteo 4:18

Ti e saofaki loa au e le Aliki mei gaoi veveli fuli, ti e fakamauli loa e ia au, o fakaulu ki lona puleaga i le lagi. Kiate ia le kololia i sekulo mo sekulo ! Amene !

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 3:10

Talie na ke tausi le folafola o le kataki fualoa iate au, e kau tausi loa a koe i le ola o le asiasii leia ka au ki le malama nei katoa, ke asiasii ai le kakai o le malama nei.