Luka 11:15 - Tosi Tapu

¹⁵ Kae na pati loa ni iki : E kapu e ia a temonio i le makeke o Pelesepu, ko le pule o le kau temonio.

Luka 11:15 ပူးပေါင်းရင်းမြစ်များ

Mateo 10:25

E feauga fai ki le tisipulo ke tatau mo lona pule, ti mo le tagata fakasausau ke tatau mo lona aliki. Kapau na lotou pati ki le pule o le fale ko Pelesepu a ia, ti e lotou toe pati fenaaki loa ki kakai o lona fale !

Mateo 12:22

Ti na aumai loa kiate ia se tagata avagaia leia na kivi mo gutu mate, ti na fakamauli loa a ia e Sesu, ti na masau loa mo tio loa le gutu mate.

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Mateo 9:34

Kae na pati loa le kau faliseo : E kapu e ia le kau temonio i le makeke o le pule o le kau temonio.

Soane 10:20

Na pati loa le toka api o latou : E nofo iate ia se temonio, kua valea a ia ; kolea e kotou fakalogo ai kiate ia ?

Soane 7:20

Na tali loa le kakai : E nofo iate koe se temonio. Ko ai leia e afa ke tamate ia a koe ?

Soane 8:48

Na tali loa le kau Sutea kiate ia : Pe leaise motou maoki koia i lamatou pati ko se Samalia a koe, ti e nofo se temonio iate koe ?

Soane 8:52

Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso.