Luka 11:1 - Tosi Tapu

¹ Na faikole loa Sesu i se aso i se ganea. I le oki o lana faikole, na pati loa se tasi o ana tisipulo kiate ia : Aliki, ako mai kia matou le faikole, ofaipe lona ako e Soane ki ana tisipulo.

Luka 11:1 ပူးပေါင်းရင်းမြစ်များ

Pesalemo 10:17

Ei Eteleno, logo ki fakaamu a latou e mamae ! E ke fakamakeke olatou loto ; e ke tokaga lou taliga kia latou,

Pesalemo 19:14

Ke ke puipui foki lau tagata fakasausau i le kau fia nealasi, Ke aua na lotou pule kiate au ! Ti e kau agatonu loa, o mea i agasala lalasi.

Luka 10:42

kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Luka 11:2

Na pati loa Sesu kia latou : Ka kotou faikole, ti kotou pati : Tamana ! Ke tapusa lou suafa ; ti ke au lou pule.

Luka 6:12

I le temi a ia, na ano loa Sesu ki le mauga o faikole, ti na nofo loa a ia i le po katoa o faikole ki le Atua.

Luka 7:13

I le tio a le Aliki ki le fafine, na manavaalofa loa a ia kiate ia, o pati : Aua na ke tagi !

Luka 7:19

Ti na kalagai loa e ia se toka lua ia latou, o kakau laua kia Sesu, o vesili kiate ia : Pe ko koe leia e tonu ke au, pe tonu ke motou talitali ki se tasi ake ?

Luka 9:18

I se aso leia na faikole ai loa Sesu toka tasi, ti na nake loa ana tisipulo kiate ia, ti na fai loa e ia kia latou le vesili leinei : E pati le kakai ko ai au ?

Luka 9:28

Na sili loa ni aso e valu ki le fakasa e Sesu o folafola ana, ti na too loa e ia Petelo, mo Soane, mo Sakopo, ti na pale loa a ia ki se mauga, o faikole i ai.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Suta 1:20

Kae ko koutou, alofaina, ke kotou faufau koutou totonu i lakoutou tui maokioki, ti ke kotou faikole i le Laumalie Maokioki,