Luka 10:42 - Tosi Tapu

⁴² kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Luka 10:42 ပူးပေါင်းရင်းမြစ်များ

Pesalemo 119:111

Kua liliu au pelesepeto ko loku tofiga o lee gato, Talie ko le fiafiaaga latou o loku loto.

Pesalemo 119:173

Ke tokoi mai lou lima kiate au ! Talie na kau filifili au fakatotonu.

Pesalemo 119:30

E kau filifili le lao o le maoki, E kau fakatuu au lao i oku mua.

Pesalemo 142:5

Tagaki ou mata ki le fetuu atamai, o tio ! E leaise iloa au e se tasi, Kua puli a mumuniaga fuli kiate au, E leaise tokaga se tasi ki loku laumalie.

Pesalemo 17:15

Kae ko au, i lou faitotonu, e kau tio loa ki ou mata ; I le ala ake, e kau makona loa i lou paaki.

Pesalemo 27:4

E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Pesalemo 73:25

Ko ai ake iate koe e kau maua i le lagi ? Ti i le malama nei e kau maua loku fiafia iate koe toka tasi.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Maleko 8:36

Ti kolea lona aoga ki se tagata lana maua le malama nei katoa, kae pulinoa lona laumalie ?

Luka 10:39

Ti na i ai sona taina, na igoa ko Malia, leia na tonatona i vae o le Aliki, o fakalogo ki lana folafola.

Luka 11:1

Na faikole loa Sesu i se aso i se ganea. I le oki o lana faikole, na pati loa se tasi o ana tisipulo kiate ia : Aliki, ako mai kia matou le faikole, ofaipe lona ako e Soane ki ana tisipulo.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 16:2

Na kalagai loa e le pule lana tagata taupau koloa, o pati kiate ia : Kolea leia e kau logo ki ai o uiga mo koe ? Fakamatala mai kiate au lau taupau, talie e leaise ke toe taupau loa oku koloa.

Luka 16:25

Na tali loa Apalaamo : Ei laku fanau, manatui e koe na ke maua au nea malilie i le lolotoga o lou mauli, kae na maua e Lasalo a nea veveli i le lolotoga o lona mauli ; i le aso nei, kua fimalie a ia i leinei, kae ko koe, kua ke mamae.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 8:18

Kotou tokaga ki lakoutou fakalogo ; talie e soli loa ki leia e maua, kae ki leia e nofo noa e toe too loa mo le nea foki leia e pati a ia e maua e ia.

Soane 11:1

Na i ai se tagata masaki, ko Lasalo, mei Petania, kolo o Malia mo Maleta, lona taina.

Soane 11:19

ti na au se kau Sutea toka api kia Maleta mo Malia, o fakapelepelei laua i le mate o lola tuagaane.

Soane 12:3

Na too loa e Malia se kaloni ko le nale maoki, ko se vaeluai liti, ti ko se koloa lasi, o takai ai a vae o Sesu, ti na solosolo e ia laua ki lona lauulu ; ti na apele loa le fale i le manogi o le kaloni.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Uluaki tosi ki le kau Kolinto 13:3

Ti kapau e kau tufa loa oku koloa fuli ke fagai ai le kau mativa, ti kapau e kau tuku loa loku tino ke tutu, kae e leaise kau maua le alofa, e leaise aoga le nea lena kiate au.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Tetelonome 30:19

E kau too i le aso nei ke fakamaoki kia koutou le lagi mo le kele : E kau tuku ki ou mua le mauli mo le mate, le tapuakina mo le malaia. Ke ke filifili le mauli, o tupu ke ke mauli, a koe mo lou sakoga,

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.

Sosue 24:22

Na pati loa Sosue ki le kakai : E kotou fakamaoki kia koutou totonu ko koutou ala na filifili ia le Eteleno ke tausi kiate ia. Ti na lotou tali loa : E motou fakamaoki !