Luka 10:40 - Tosi Tapu

⁴⁰ Ko Maleta, leia na tokaga ki kauga o le fale, na oso ake loa, o pati : Aliki, pe nea noa kiate koe ke tiaki au e loku taina ke kau gaoi toka tasi ? Koia ke ke pati kiate ia ke tokoi mai kiate au.

Luka 10:40 ပူးပေါင်းရင်းမြစ်များ

Mateo 14:15

I le malu o le afiafi, na fakafeofi ake loa le kau tisipulo kiate ia, o pati : E lavaki le ganea leinei ti kua tausala, kakau le kakai ke ano ki kolo o totogi ni nea ke lotou kai.

Mateo 16:22

Na too loa a ia e Petelo ki se ganea kese, o fai ni valoki kiate ia, o pati : Aliki, i mua o le Atua ! E leaise soko loa le nea lena kiate koe.

Maleko 3:21

I le logo a matua o Sesu ki le nea kua soko, na lotou ano loa ko lona too ; talie na lotou pati : Kua valea a ia.

Luka 10:38

I le fanoga a Sesu i le ala mo ana tisipulo, na ulu loa a ia ki se kolo, ti ko se fafine, na igoa ko Maleta, na tali ia loa a ia i lona fale.

Luka 10:41

Na tali loa le Aliki kiate ia : Maleta, Maleta, kua ke oso saele mo tokaga ki nea mauke ai,

Luka 12:29

Ti ko koutou, aua na kotou mamae o afa tuumau le nea leia ka kotou kai loa mo le nea leia ka kotou inu loa,

Luka 9:55

Na mafuli loa Sesu o valoki laua, o pati : E leaise kolua iloa le laumalie leia e taki ia koulua.

Soane 11:1

Na i ai se tagata masaki, ko Lasalo, mei Petania, kolo o Malia mo Maleta, lona taina.

Soane 11:5

Kae na alofa Sesu kia Maleta, mo lona taina, ti mo Lasalo.

Soane 12:2

I lena, na teuteui loa se kai kiate ia ; na selevisi Maleta, ti ko Lasalo ko se tasi o latou ala na nonofo i le laupapa kai mo ia.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.