Luka 10:35 - Tosi Tapu

³⁵ I leia ake a aso, na too loa e le tagata Samalitana ni fa tenalio e lua, o soli ki le pule o le fale talifanoga, ti na pati loa a ia kiate ia : Tokaga kiate ia, ti ko le nea leia e ke toe fakaaoga loa kiate ia, e kau totogi atu loa a ia kiate koe i laku toe liliu mai.

Luka 10:35 ပူးပေါင်းရင်းမြစ်များ

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Mateo 18:28

I lana ulu ki fafo, na felavei loa le tagata fakasausau lena mo se tasi i ona kaukau nea leia na tuu maua kiate ia ko le kau lelau tenalio. Na tapo loa e ia a ia, o kukumi lona ua, o pati : Ui mai lou maua kiate au.

Mateo 20:2

Na tuku loa a ia mo latou ki se fa tenalio e tasi i le aso, ti na kakau loa e ia latou ki lana vite.

Luka 10:34

Na fakafeofi loa a ia kiate ia, ti na liligi loa e ia se lolo mo se vino ki ona lavea, ti na sai loa e ia latou ; ti na luluku loa e ia le tagata o fakaeke ki lana manu fanoga, ti na ave loa e ia a ia ki se fale talifanoga, ti na tokaga loa a ia kiate ia.

Luka 10:36

Ko ai leia i le toka tolu lena e ke pati ko le oloi o leia na vilo ki le kau kaia ?

Luka 14:13

Kae, ka ke fai se kaitasi, fakaafe le kau mativa, mo le kau maimoa, mo le kau kito, mo le kau kivi.

Loma 16:23

E fakaalofa atu kia koutou a Kaiusi leia na fakatalitali ia au, ti mo le Ekelesia katoa. E fakaalofa atu kia koutou Elaseto, le tagata taupau paaga o le kolo, ti mo le taina ko Kaletusi.