Luka 10:30 - Tosi Tapu

³⁰ Na toe masau loa Sesu, o pati : Na ifo se tagata mei Selusalemi ki Seliko. Na vilo loa a ia ki lima o le kau kaia, ala na tatala ia loa iate ia ona kofu, mo tamate a ia, ti na lotou ano loa, kae tuku a ia kua teitei mate.

Luka 10:30 ပူးပေါင်းရင်းမြစ်များ

Pesalemo 88:4

Talie kua makona loku laumalie i mamae, Ti e fakafeofi loku mauli ki le nofoaga o le kau mate.

Selemia 51:52

Koia e pati ai le Eteleno, ko leinei, e soko mai loa a aso, Ala e kau tautea ai loa ona taulaatua ; Ti e logo ai loa ki tagi mamae a le kau lavevea i lona fenua katoa.

Tagi laulau a Selemia 2:12

E lotou pati ki olatou tinana : E maua ifea se fulumeto mo se vino ? Ti lotou maluluku ofaipe ni nea lavelavea i ala o le kolo, E lotou mamate i fatafata o olatou tinana.

Esekiele 30:24

E kau fakamakeke loa a lima o le sau o Papilone, Ti e kau tuku loa laku seleta ki lona lima ; E kau fatii loa a lima o Falaone, Ti e tagi laulau loa a ia i mua o le sau o Papilone ofaipe le tagi a latou ala ka mamate.

Luka 10:31

Ko se tagata faisakilifisio, leia na fuafuaki ifo mai i le ala lena, na tio loa ki le tagata lena, kae na fakalaka kese loa a ia.

Luka 18:31

Na too loa e Sesu le tino agafulu tupu lua, o pati kia latou : Ko leinei, e tou pale ki Selusalemi, ti e soko loa a nea fuli ala kua tosi e le kau polofeta ki le Vosa o le tagata.

Luka 19:28

I le oki o lana masau lena, na saele loa Sesu i mua o le kakai, o pale ki Selusalemi.