Luka 10:21 - Tosi Tapu

²¹ I le lakaga fai lena, na fiafia loa Sesu i le Laumalie Maokioki, o pati : E kau fakavikiviki kiate koe, Tamana, Aliki o le lagi mo le kele, i lau fufu a nea ana ki le kau popoto mo le kau atamai, kae kua ke fakasa latou ki toe liliki. Io, Tamana, e kau fakavikiviki kiate koe talie ko lou finegalo malie a ia.

Luka 10:21 ပူးပေါင်းရင်းမြစ်များ

Pesalemo 24:1

Pesalemo a Tavite. A le Eteleno le kele mo nea fuli e maua i ai ; Le malama nei mo latou fuli e nonofo i ai !

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Pesalemo 8:2

Eteleno, lomatou Aliki ! E malie lasi ai lou suafa i le malama nei katoa ! Na ke fakatuu lou agaiaga i aluga o atu lagi.

Esaia 29:14

Koia e kau toe taai ai loa le kakai leinei Ki ni nea fakatalatupua mo ni milakulo ; Ti e puli loa le poto o lona kau poto, Ti e puli loa le atamai o ona kau tagata atamai.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 21:16

Ti na lotou pati loa kiate ia : Pe ke logo ki le nea leia e lotou pati ki ai ? Na tali loa Sesu kia latou : E io. Pe na leaise kotou lau ia folafola anei : Na ke maua ni fakavikiviki mei gutu o fanau liliki, ti mo latou ala koi u ?

Mateo 3:7

Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Maleko 10:15

E kau pati maoki atu kia koutou, ko leia e leaise tali ia loa le puleaga o le Atua ofaipe se ga toe ikiiki e leaise ulu loa a ia ki ai.

Luka 15:5

Ka maua e ia a ia, e teki e ia a ia ki ona tuauma i le fiafia,

Luka 15:9

Ka maua e ia a ia, ti e kalagai e ia ona kaukau nea mo ona vasaa fale : Kotou fiafia mo au, talie kua kau maua laku fa talame leia na puli !

Soane 11:41

Na lotou too loa le fatu. Ti na siki loa e Sesu ona mata ki aluga, o pati : Tamana, e kau fakafetai kiate koe, talie kua ke tali au.

Lua tosi ki le kau Kolinto 4:3

Kapau koi fakapulou lama Evaselio, ti e fakapulou a ia kia latou ala e mamate,

Efeso 1:11

Iate ia kua tou liliu foki ko fanau mau tofiga, talie kua filifili fakatomua e ia tatou o mulimuli ki le fakatuutuu a leia e fai ia a nea fuli o mulimuli ki le tokoi o lona finegalo,

Efeso 1:5

ti na fakatuutuu fakatomua e ia tatou i lona alofa ke tou liliu ko ana fanau fufui ia Sesu-Kilisito, o mulimuli ki lona fiafia mo lona finegalo,