Luka 10:16 - Tosi Tapu

¹⁶ Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Luka 10:16 ပူးပေါင်းရင်းမြစ်များ

Ekesote 16:7

I le usu, e kotou tio loa ki le kololia o le Eteleno, talie kua logo a ia ki akoutou gugu ki le Eteleno ; ti ko ai maua, ke kotou gugu ai kia maua ?

Ekesote 16:8

Na pati loa Moisese : E soli loa e le Eteleno kia koutou i le afiafi leinei se kanoi manu ke kai ; ti i le usu apogipogi, e soli atu loa e ia se pane ke kotou makona ai, talie kua logo le Eteleno ki lauga ala na kotou fai kiate ia ; ti ko ai maua ? E leaise ko maua ala e kotou gugu ki ai, kae ko le Eteleno totonu leia e kotou gugu ki ai.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Numelo 14:11

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Numelo 14:2

Na lalau loa fanau fuli o Iselaele kia Moisese mo Alone, o pati : Felaaki ake na motou mate i le fenua o Esipito ! Felaaki ake foki na motou mate i le toafa !

Numelo 16:11

Talie ko le tupuaga lena o lau fakafesagai mo lou kakai ki le Eteleno ! Talie ko ai Alone ke kotou lauveli ai kiate ia ?

Mateo 10:40

Ko leia e tali ia koutou e tali ia au, ti ko leia e tali ia au, e tali ia loa leia na kakau ia mai au.

Mateo 18:5

Ti ko leia e tali ia i loku suafa se ga toe ikiiki ofaipe ia leinei e tali ia au totonu.

Maleko 9:37

Ko leia e tali ia i loku suafa se tasi o toe liliki anei, e tali e ia a au totonu ; ti ko leia e tali ia a au, e leaise ko au fua leia e tali e ia, kae ko leia foki na kakau ia mai au.

Luka 9:48

ti na pati loa a ia kia latou : Ko leia e tali ia i loku suafa le ga toe leinei e tali e ia a au totonu ; ti ko leia e tali ia a au e tali ia leia na kakau ia mai au. Talie ko leia e ikiiki ia koutou fuli, ko ia leia e lasi.

Soane 12:44

Ti na kalaga Sesu : Ko leia e tui kiate au, e leaise tui a ia kiate au, kae tui a ia ki leia na kakau ia mai au ;

Soane 12:48

Ko leia e tiaki ia au ti e leaise tali ia aku folafola e maua e ia lona tui fakamaau ; ko le folafola leia na kau fakasa, ko ia leia e fakamaaui ia loa a ia i le aso fakamuli.

Soane 13:20

E maoki, e maoki, e kau pati atu kia koutou, ko leia e tali ia leia e kau kakau ia loa, e tali e ia au ; ti ko leia e tali ia au, e tali e ia leia na kakau ia mai au.

Gaoi 5:4

Kanapau na leaise ke fakatau a ia, koi ke nofo fai mo lou kele ? Ti i le oki o lona fakatau, pe na leaise ke faitalisa ki lona totogi ? Kolea kua ke mafai ai ke ke tuku ki lou loto se fakatuutuu fenaaki ? Na leaise ke loi ki ni tagata, kae ki le Atua.

Kalate 4:14

Ti i lokotou asiasii e loku tino masaki, na leaise kotou vesia pe fakalialia kiate au ; kae na kotou tali au ofaipe se aselo a le Atua, ofaipe Sesu-Kilisito.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.