Luka 10:13 - Tosi Tapu

¹³ Malaia kiate koe, Kolasini ! Malaia kiate koe, Petesaita ! Talie kanapau na fai i Tile mo Sitone a milakulo ala na fai i loto malie o kolua, kua fualoa ake lola fakasemala, o too le taga mo le mugalafu.

Luka 10:13 ပူးပေါင်းရင်းမြစ်များ

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esekiele 26:1

I le kau agafulu tupu tasi o fetuu, i le uluaki aso o le masina, na tuku mai loa kiate au le folafola a le Eteleno, o pati :

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Amosi 1:9

Koia e folafola ai le Eteleno, o pati : O tupu ko agaveli e tolu a Tile, Ti e fa foki, e leaise kau toe fetogi laku fakatotonu, Talie na lotou ave fakapopula se kakai toka api ki Etome, Kae na leaise manatui e ia le sai fakatautaina.

Uluaki tosi kia Timoteo 4:2

o tupu ko le malualoi o le kau toketa loi, ala kua mate olatou atamai, o sakinake na tutu latou ki se ukamea kaka ;

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.