Luka 1:64 - Tosi Tapu

⁶⁴ I le lakaga fai lena, na mavaa loa lona gutu, mo matala lona alelo, ti na masau loa a ia o fakafetai ki le Atua.

Luka 1:64 ပူးပေါင်းရင်းမြစ်များ

Pesalemo 51:15

E kau ako loa ou ala kia latou ala e maumaui ia latou, Ti e toe au loa le kau agasala kiate koe.

Ekesote 4:11

Na pati loa le Eteleno kiate ia : Ko ai na fakatupu ia le gutu o le tagata ? Ti ko ai e fakaliliu ia le tagata o gutu mate, mo tulituli, mo tio pe kivi ? Pe leaise ko au leia ko le Eteleno ?

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Selemia 1:9

Ti na falo loa e le Eteleno lona lima o fafa ki loku gutu ; ti na pati mai loa le Eteleno kiate au : Ko leinei, e kau tuku aku folafola ki lou gutu.

Esekiele 29:21

I le aso lena, e kau soli loa se makeke ki le fale o Iselaele, Ti e kau fakamavaa loa lou gutu, Esekiele, i loto malie o ona ; Ti e lotou iloa loa ko au ko le Eteleno.

Esekiele 3:27

Ti ka kau masau atu loa kiate koe, e kau fakamavaa loa lou gutu, o tupu ke ke pati kia latou : Ko leinei le folafola a le Aliki, le Eteleno. Ko leia e loto ke fakalogo ke fakalogo, ko leia e leaise loto ke fakalogo ke aua na fakalogo, talie ko se famili o ni kau agatuu.

Esekiele 33:22

Na teki loa le lima o le Eteleno kiate au i le afiafi, i mua o le tau mai o le tagata lena na sola. I lana tau mai kiate au i le usu, na fakamavaa loa e le Eteleno loku gutu. Na mavaa loa loku gutu, ti na mafai loa laku masau.

Mateo 9:33

I le oki o le kapu o le temonio, na masau loa le gutu mate. Ti na ofolele loa le kakai, o pati : E leikiaise sa se nea feneeki i Iselaele i se aso.

Luka 1:20

Ti ko leinei, e ke gutu mate loa, ti e leaise mafai loa lau masau o kaku ki le aso leia e soko ai loa a nea ana, talie na leaise ke tui ki aku folafola, ala e soko loa i lona temi.