Luka 1:53 - Tosi Tapu

⁵³ Na fakamakona e ia ki nea malilie latou ala na fia kai, Kae na kakau e ia le kau mou koloa ke ano mo lima ata.

Luka 1:53 ပူးပေါင်းရင်းမြစ်များ

Pesalemo 146:7

E faitotonu a ia kia latou ala na fakavelivelii. E soli e ia se pane kia latou ala e pakupaku. E saofaki e le Eteleno le kau popula.

Pesalemo 34:10

Ke kotou i ki le Eteleno, kotou fuli ko ana kau sagato ! Talie e leaise puli se nea kia latou ala e i kiate ia.

Esekiele 34:29

E kau fakatuu loa kia latou se faisaga laakau leia e logologona loa ; ti e leaise toe pakupaku loa aku ovi i le fenua, ti e leaise lotou toe amo loa le luma o puleaga.

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Luka 1:54

Na tokoi a ia ki Iselaele, lana tagata fakasausau, Ti na manatui e ia lona manavaalofa,

Luka 6:21

Manuia koutou ala e fia kai i le lakaga nei, talie e kotou makokona loa ! Manuia koutou ala e tagi i le lakaga nei, talie e kotou fiafia loa !

Luka 6:24

Kae, malaia kia koutou, kau mou koloa, talie kua kotou maua lokoutou fimalie !

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Uluaki tosi ki le kau Kolinto 1:26

Kotou fakatiotio mua, fetaina, kia koutou ala kua kalagai : E leaise api ni poto i le fakatino, ti e leaise api ni tagata makeke, ti e leaise api foki ni aliki.

Uluaki tosi ki le kau Kolinto 4:8

Ko leinei, kua kotou makona ; kua kotou mou koloa, kua kotou kamata sau kae sala mo maua. Ti e amusia ake ke kotou sau maoki, o tupu ke ma sau foki mo koutou !

Uluaki tosi a Samuele 2:5

Kua gaoi totogi latou ala na makokona ki se pane, Ti kua malolo latou ala na pakupaku ; Kua fanau tua fitu le fafine paa, Ti kua fefe le fafine leia na mauke ona fanau.