Luka 1:51 - Tosi Tapu

⁵¹ Na fakasa e ia le makeke o lona lima ; Na veteki e ia latou ala na nonofo mo ni manatu fia nealasi i olatou loto.

Luka 1:51 ပူးပေါင်းရင်းမြစ်များ

Senesi 11:8

Ti na fakamavetevete loa latou e le Eteleno i aluga o le malama nei katoa ; ti na lotou taofi loa i ai le fakatuu o le kolo.

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Pesalemo 118:15

E malaga ni kalaga o le malo mo le fakamauli i falela o le kau agatonu : E fakasa e le lima atamai o le Eteleno lona mafimafi !

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Pesalemo 52:9

Ko lena le tagata leia na leaise too ia le Atua ko lona ulufaga Kae na fanaki a ia ki le lasi o ona koloa Ti na malo o tupu ko lona kaka !

Pesalemo 63:5

E kau fakamalo loa kiate koe i loku mauli katoa, E kau siki loa oku lima i lou suafa.

Pesalemo 89:10

E ke pule ki le fia nealasi o le tai ; Ka malaga ona piau ki aluga, e ke tuku latou ki lalo.

Pesalemo 89:13

Na ke fakatupu ia le noleto mo le saute ; E fiafia le Tapole mo le Elemoni i lou suafa.

Pesalemo 98:1

Pesalemo. Kotou sua ki le Eteleno se katiko foou ! Talie na fai e ia ni nea lalasi, Na tokoi kiate ia lona lima atamai mo lona lima maokioki.

Ekesote 18:11

I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Esaia 40:10

Ko leinei, le Aliki, le Eteleno e au i lona mafimafi, Ti e pule lona lima ; Ko leinei, e au a ia mo le totogi, Ti e muamua a fakapale iate ia.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Selemia 49:15

Talie ko leinei, e kau fakaliliu loa a koe ke ikiiki i atu puleaga, Mo vesiainai e tagata.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Loma 1:21

Talie kua lotou iloa le Atua, kae na leaise lotou fakakololia kiate ia ko le Atua, ti na leaise lotou fakafetai kiate ia ; kae na lotou sese i ni fakakaukau vaiga, ti kua apele olatou atamai valelea i le fakapouli.

Lua tosi ki le kau Kolinto 10:5

E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Apokalipisi 18:8

O tupu ko le nea lena, e soko loa i se aso e tasi a malaia ana, le mate, mo le putu, ti mo le oge, ti e tutu loa a ia e le afi. Talie e mafimafi le Aliki Atua leia na fakamaaui ia a ia.