Luka 1:32 - Tosi Tapu

³² E lasi loa a ia, ti e fakaigoa loa a ia ko le Alo o le Taualuga, ti e soli loa e le Aliki Atua kiate ia le ekeekeaga o Tavite, lona tamana.

Luka 1:32 ပူးပေါင်းရင်းမြစ်များ

Lua tosi a Samuele 7:16

E tuu loa lou fale mo lou puleaga o lee gato, ti e tuu makeke loa lou ekeekeaga fakasau o lee gato.

Pesalemo 132:11

Na fakapapau le Eteleno kia Tavite i le maoki, E leaise toe liliu loa a ia ki muli : E kau fakaeke loa i lou ekeekeaga fakasau se fua o lou manava.

Pesalemo 132:12

Kapau e tausi e ou vosa laku sai Ti mo aku pelesepeto ala e kau ako kia latou, Ko olatou vosa foki o lee gato E toe eke loa i lou ekeekeaga fakasau.

Esaia 16:5

Kae e tuu mau loa le ekeekeaga o le sau i le manava alofa ; Ti e eke loa i ai se Tuifakamaau agatonu mo alofa ki le faitotonu Mei le sakoga o Tavite.

Selemia 17:25

Ti e ulu loa i le matapa o le kolo leinei A sau mo aliki ala e nonofo i le ekeekeaga fakasau o Tavite, O eke i ni saliote mo ni osi, Latou ti mo olatou aliki, mo tagata o Suta ti mo le kakai o Selusalemi, Ti e nofoi loa le kolo leinei o lee gato.

Selemia 22:2

E ke pati loa : Fakalogo mai ki le folafola a le Eteleno, sau o Suta, leia e ekeeke i le ekeekeaga fakasau o Tavite, a koe, mo au tagata fakasausau, mo lou kakai, koutou ala e feanoaki i matapa anei !

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Mateo 1:1

Ko le sakoga o Sesu-Kilisito, vosa o Tavite, vosa o Apalaamo.

Mateo 12:42

E tuu ake loa ki aluga le fafine sau o le potu toga, i le aso o le fakamaau, mo le tautupu leinei, o fakatua loa a ia, talie na au a ia mei potupotu o le malama nei o fakalogo ki le poto o Salomone, ti ko leinei, e i ai se tasi i leinei e lasi ake ia Salomone.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Maleko 14:61

Kae na fakalologo loa Sesu, ti na leaise tali loa a ia ki se nea. Na toe vesili loa le pule faisakilifisio kia Sesu, o pati : Pe ko koe ko le Kilisito, ko le Alo o le Atua manuia ?

Maleko 5:7

ti mo tagi leo lasi : Kolea au kiate koe, Sesu, Alo o le Atua taualuga ? E kau kole fakamakeke atu kiate koe i le suafa o le Atua, aua na ke fakamamae au.

Luka 1:15

Talie e lasi loa a ia i mua o le Aliki. E leaise inu loa e ia se vino, pe ko se kava makeke, ti e apele loa a ia i le Laumalie Maokioki mei le manava o lona tinana ;

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Luka 1:76

Ti ko koe, ga toe, e fakaigoa loa a koe ko le polofeta o le Taualuga. Talie e ke saele loa i mua o le Aliki, o teuteu ona ala,

Luka 3:16

na pati loa Soane kia latou fuli : Ko au, e kau papitema koutou ki le vai ; kae e au loa leia e makeke ake iate au, ti e leaise kau gali ke kau tatala ia a sai o ona taka. Ko ia leia e papitema ia loa koutou ki le Laumalie Maokioki mo le afi.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Soane 12:34

Na tali loa le kakai kiate ia : Kua motou ako i le lao e nofo le Kilisito o lee gato ; e feaki loa lau pati : E tonu ke siki ake ki aluga le Vosa o le tagata mei le kele ? Ko ai le Vosa o le tagata lena ?

Soane 6:69

Ti kua motou tui, ti kua motou iloa ko le Kilisito a koe, ko le Sagato o le Atua.

Gaoi 16:17

Ti na muli loa a ia ia Paulo mo matou, o kalaga : Ko tagata anei ko ni tagata fakasausau a le Atua Taualuga, ti e lotou fakasa atu kia koutou le ala o le mauli.

Gaoi 2:30

Talie na polofeta a ia, ti na iloa e ia na fakapapau ake e le Atua kiate ia e fakaeke loa e ia se tasi i lona sakoga totonu ki lona ekeekeaga fakasau,

Gaoi 2:36

Ke iloa fakapapau e le fale katoa o Iselaele kua fakanofo e le Atua ke Aliki mo Kilisito le Sesu lena na kotou tutuki ki le koluse.

Gaoi 7:48

Kae e leaise nofo le Taualuga i le nea leia na fai e le lima o le tagata, ofaipe lona fakasa e le polofeta :

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :