Luka 1:19 - Tosi Tapu

¹⁹ Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Luka 1:19 ပူးပေါင်းရင်းမြစ်များ

Taniela 8:16

Ti na kau logo loa ki le leo o se tagata i loto malie o le vaitafe ko Ulai ; na kalaga loa a ia, o pati : Kapeliele, fakamatala kiate ia le tio.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Luka 1:20

Ti ko leinei, e ke gutu mate loa, ti e leaise mafai loa lau masau o kaku ki le aso leia e soko ai loa a nea ana, talie na leaise ke tui ki aku folafola, ala e soko loa i lona temi.

Luka 1:26

I lona masina ono, na kakau loa e le Atua le aselo ko Kapeliele ki se kolo o Kalilea, na igoa ko Nasaleti,

Luka 2:10

Kae na pati loa le aselo kia latou : Aua na kotou i ; talie e kau fakasa kia koutou se logo malie, leia e liliu loa ki le kakai katoa ko le tupuaga o se fiafia lasi :

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Epelo 4:14

Koia i le kua tou maua ai se pule fai sakilifisio leia kua ulu i le atu lagi, Sesu, le Alo o le Atua, ke tou tuu makeke i le tui leia e tou fakasa.