Luka 1:17 - Tosi Tapu

¹⁷ E saele loa a ia i mua o le Atua mo le laumalie ti mo le makeke o Elia, ke toe taki mai ai a loto o tamana ki fanau, ti mo le kau patigataa ki le poto o le kau agatonu, o tupu ke teuteui se kakai ke malie ki le Aliki.

Luka 1:17 ပူးပေါင်းရင်းမြစ်များ

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:18

Na tali loa Elia : E leaise kau fakamaveuveu ia Iselaele ; ko koe mo le fale o lou tamana ala e fakamaveuveu ia Iselaele, talie kua kotou tiaki a fakatotonu a le Eteleno ti kua ke ano o tausi kia Paale.

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Lua tosi o Sau 1:16

Na pati loa Elia ki le sau : Ko leinei le folafola a le Eteleno : Talie na ke kakau ni tagata avelogo kia Paale-Sepu, atua o Ekeloni, o sakinake na leaise maua i Iselaele se Atua leia e mafai ke afa ki ai, e leaise ke ifo loa mei le palepale leia e ke moe ai, talie e ke mate loa.

Uluaki tosi o Koloniko 29:18

Eteleno, Atua o Apalaamo, mo Isaake, mo Iselaele, omatou tamana, ke ke taupau o tuumau a manatu malilie anei i loto o lou kakai, ti ke fakamakeke lona loto ke tuu mau kiate koe.

Lua tosi o Koloniko 29:36

Na fiafia loa a Esekiasi mo le kakai katoa, o tupu na teuteui e le Atua lona kakai, talie na soko fakapunamauli le nea lena.

Pesalemo 10:17

Ei Eteleno, logo ki fakaamu a latou e mamae ! E ke fakamakeke olatou loto ; e ke tokaga lou taliga kia latou,

Pesalemo 111:10

Ko le i ki le Eteleno ko le kamataaga o le poto : Ko latou fuli ala e tausi ia a ia e maua ia se fakakaukau malie. E tuu lona kololia o lee gato.

Pesalemo 78:8

O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Esaia 29:24

Ko latou ala na sese olatou loto e maua ia loa le atamai, Ti ko latou ala na gugu e maua ia loa le akonaki.

Amosi 4:12

Koia leia e kau fai felaaki ai loa kiate koe, Iselaele ; Ti e tupu e kau fai felaaki loa kiate koe, Ke ke teuteu ki le felavei mo lou Atua, ei Iselaele !

Mateo 11:14

ti kapau e kotou fia matala ki ai, ko ia ko le Elia leia na tonu ke au.

Mateo 14:4

talie na pati Soane kiate ia : E leaise taga kiate koe ke ke nofo fakataumatua mo ia.

Mateo 3:3

Ko Soane ko ia leia na pati ki ai le polofeta ko Isaia, i lana pati : Ko leinei le leo o leia e kalaga i le toafa : Kotou teuteu le ala o le Aliki, Kotou fakasakosako ona ala liliki.

Mateo 3:4

Na kofu Soane ki ni fului kamelo, ti na toi e ia se kilipipi i lona sulugalava. Na kai a ia ki ni seseivaka ti mo le meli vao.

Luka 1:16

Ti e toe taki loa e ia se toka api i vosa o Iselaele ki le Aliki, lolatou Atua ;

Luka 1:76

Ti ko koe, ga toe, e fakaigoa loa a koe ko le polofeta o le Taualuga. Talie e ke saele loa i mua o le Aliki, o teuteu ona ala,

Soane 1:13

o leia i le toto, pe i le finegalo o le kanofi, pe i le finegalo o le tagata, kae i le Atua.

Soane 1:34

Ti na kau tio, ti na kau fakamaoki ko le Alo a ia o le Atua.

Soane 3:28

Ko koutou totonu, e kotou fakamaoki kiate au na kau pati : E leaise ko Kilisito au, kae na kakau mai au i ona mua.

Gaoi 10:33

Ti na kau kakau atu aifai se tasi kiate koe, ti ko se nea malie ai lau au. Koia i le temi nei, kua motou nofo fuli i leinei i mua o le Atua, ke fakalogo ki nea fuli ala kua fakatotonu atu e le Aliki kiate koe ke fakasa mai kia matou.

Loma 9:23

ti kapau kua loto a ia ke fakasa a koloa o lona kololia ki ni ipu o le manavaalofa ala na teuteui fakatomua ki le kololia : Ko ai loa ke toe pati kiate ia ?

Kolose 1:12

Kotou fakafetai ki le Tamana, leia kua mafai ai ke kotou kau i le tofiga o le kau sagato i le malama ;

Lua tosi kia Timoteo 2:21

Koia kapau e fakamea se tasi mei nea ana, e liliu loa a ia ko se ipu mauiga, mo maokioki, mo aoga ki lona pule, ti kua teuteu a ia ki gaoi malilie fuli.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.

Uluaki tosi a Samuele 7:5

Na pati loa Samuele : Kotou tanaki a Iselaele katoa ki Misipa, ti e kau faikole loa ki le Eteleno o uiga mo koutou. Ti na lotou fakatasi loa ki Misipa.