Luka 1:16 - Tosi Tapu

¹⁶ Ti e toe taki loa e ia se toka api i vosa o Iselaele ki le Aliki, lolatou Atua ;

Luka 1:16 ပူးပေါင်းရင်းမြစ်များ

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Mateo 21:32

Talie na au Soane kia koutou i le ala o le faitotonu, ti na leaise kotou tui kiate ia. Kae na tui kiate ia le kau popelikano mo fafine faiaga ; ti ko koutou, ala na tio ki le nea lena, na leaise kotou fakasemala o tui kiate ia.

Luka 1:76

Ti ko koe, ga toe, e fakaigoa loa a koe ko le polofeta o le Taualuga. Talie e ke saele loa i mua o le Aliki, o teuteu ona ala,

Luka 3:3

Ti na ano loa a ia i le fenua katoa i le tafatafa o le Solotane, o akonaki ki le papitema o le fakasemala, o tupu ko le fakamolemole o agasala,