Luka 1:15 - Tosi Tapu

¹⁵ Talie e lasi loa a ia i mua o le Aliki. E leaise inu loa e ia se vino, pe ko se kava makeke, ti e apele loa a ia i le Laumalie Maokioki mei le manava o lona tinana ;

Luka 1:15 ပူးပေါင်းရင်းမြစ်များ

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 48:19

Kae na fakafiti loa lona tamana, o pati kiate ia : E kau iloa, ei loku vosa, e kau iloa ! Mo ia foki e liliu loa a ia ko se kakai toka api, mo ia foki e liliu loa a ia ko se puleaga lasi ; kae e liliu loa lona taina muli o lasi ake iate ia, ti e liliu loa lona sakoga ko ni puleaga mauke.

Uluaki tosi o Koloniko 17:8

na kau nofo mo koe i ganea fuli ala na ke saele ai, na kau tamate ou fili fuli i ou mua, ti na kau fakaliliu lou igoa o tatau mo igoa o le kau lalasi o le malama nei ;

Uluaki tosi o Koloniko 29:12

Ko koe leia e au meiai le koloa mo le kololia, ko koe leia e pule ki nea fuli, ko lou lima leia e maua ai le makeke mo le mafimafi, ti ko lou lima leia e pule ki le siki mo le fakamakeke o leia e ke loto ki ai.

Pesalemo 22:9

Na fanaki a ia ki le Eteleno ! Tuku ke fakamauli a ia e le Eteleno ! E fakamauli loa a ia e le Eteleno, mo ka e alofa a ia kiate ia !

Selemia 1:5

Na kau iloa a koe i mua o laku fakatupu a koe i le manava o lou tinana, ti na kau fakatapui a koe, ti na kau fakanofo a koe ko le polofeta o atu puleaga i mua o lau mavae i lona manava.

Selemia 35:6

Kae na lotou tali : E leaise motou inu vino ; talie kua tuku mai kia matou e Sonatape, lomatou tamana, vosa o Lekape, le fakatotonu leinei : Aua na kotou inu loa ki se vino, koutou mo okoutou vosa ;

Levitiko 10:9

Aua na ke inu loa se vino, pe ko se kava, e koe mo ou vosa, i mua o lakotou ulu ki le falela tapu, ti e leaise kotou mamate loa : e kotou tausi loa le lao lena, e koutou mo akoutou fanau i temi fuli.

Sakalia 9:15

E puipui loa latou e le Eteleno o kau tau ; E lotou kai loa, e lotou malo loa i fatu o le makamaka ; E lotou iinu loa, e lotou logoa loa ofaipe ni nea kua konana i le vino ; E lotou apele loa ofaipe se ipu, ofaipe poko o le aletale.

Luka 1:14

E liliu loa a ia kiate koe ko se tupuaga o se fiafia lasi, ti e fakafiafia loa se toka api i lona tupu.

Luka 7:28

E kau fakasa atu kia koutou, ia latou ala na tupu mei fafine, e leaise lasi ake se tasi ia Soane. Kae i le puleaga o le Atua, e lasi ake leia e ikiiki oki iate ia.

Luka 7:33

Talie kua au Soane-Patita, o leaise kai e ia se pane ti mo inu e ia se vino, ti na kotou pati : E iate ia se temonio.

Soane 5:35

Ko Soane ko le malama leia e ula mo malama, ti na kotou loto ke kotou fakafiafia i se ga temi ikiiki i lona malama.

Gaoi 2:4

Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Kalate 1:15

Kae, i le finegalo malie o le Atua, leia na vaei kese ia au i le manava o loku tinana, leia na kalagai ia au i lona kalasia,

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Sosue 4:14

I le aso lena, na fakamakeke e le Eteleno le pule a Sosue i mua o fanau fuli o Iselaele, ti na lotou fakaapaapa loa kiate ia i lona mauli katoa ofaipe lalatou fakaapaapa kia Moisese.