Lua tosi o Sau 9:7 - Tosi Tapu

⁷ E ke tamate loa le fale o Akapo, lou pule, ti e kau totogi loa kia Sesapele le toto o aku tagata fakasausau, le kau polofeta, ti mo le toto o tagata fakasausau fuli a le Eteleno.

Lua tosi o Sau 9:7 ပူးပေါင်းရင်းမြစ်များ

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Uluaki tosi o Sau 21:15

I le logo loa a Sesapele kua tuki fatui Napote ti kua mate a ia, na pati loa a ia kia Akapo : Tuu ki aluga, ti ke too le faisaga vite o Napote mei Siseleele, leia na leaise loto ke soli atu a ia kiate koe ki se totogi paaga ; talie kua leaise koi mauli Napote, kua mate a ia.

Uluaki tosi o Sau 21:21

Ko leinei, ka kau aga loa o aumai le malaia kiate koe ; e kau seu loa a koe, ti e kau tamate loa latou fuli ala e kau kia Akapo, leia e popula ti mo leia e lauateaia i Iselaele,

Uluaki tosi o Sau 21:25

Na leaise tasi kua fakatau ia a ia ofaipe Akapo ke fai le nea leia e veli ki mata o le Eteleno, ti na fakamakeke a ia e Sesapele, lana avaga.

Lua tosi o Sau 10:10

Ke kotou iloa e leaise vilo loa ki le kele se nea fua e tasi o le folafola a le Eteleno, le folafola leia na fakasa e le Eteleno ki le fale o Akapo ; kua fakasoko e le Eteleno le nea leia na fakasa e ia i lana tagata fakasausau ko Elia.

Lua tosi o Sau 10:11

Ti na tamate loa e Seu latou fuli ala na toe i le famili o Akapo i Siseleele, lana kau lalasi fuli, mo ona kaiga, ti mo ana minisi, ti na leaise sao fua se fa toka tasi.

Lua tosi o Koloniko 22:7

Ko le finegalo lena o le Atua ke ifo Akasia o fakatele kia Solame, talie ke mate ai. I le kaku loa a Akasia ki Siseleele, na ano loa a ia mo Solame o fakafetaulaki kia Seu, vosa o Nimesi, leia na fakanofo e le Eteleno ko le sau o tupu ke tamate le fale o Akapo ke puli.

Selemia 26:5

Ke fakalogo ki folafola a aku tagata fakasausau, le kau polofeta, ala na kau kakau atu kia koutou, ala na kau kakau atu kia koutou koi usu ti na leaise kotou fakalogo kia latou,

Mateo 23:35

o tupu ke toe vilo kia koutou le toto mea katoa leia kua liligi i le malama nei, kamata mei le toto o Apele ko le tagata agatonu o kaku ki le toto o Sakalia, vosa o Palakia, leia na kotou tamate i le vasa o le fale tapu mo le aletale.

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Loma 13:4

Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Tetelonome 32:43

Atu puleaga, ke kotou sua a fakavikiviki o lona kakai ! Talie e taui e le Eteleno le toto o ana tagata fakasausau, E tautea e ia ona fili, Ti e fai e ia le fakamolemole o agasala ki lona fenua, mo lona kakai.

Epelo 10:30

Talie e tou iloa leia kua pati : A aku le lagavaka, a aku le totogi ! ti na toe pati : E fakamaaui loa e le Aliki lona kakai

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.

Apokalipisi 2:20

Kae ko le nea leia e kau fakafesagai ai kiate koe, ko lau tuku le fafine ko Sesapele, leia e pati ko le fafine polofeta, ke akonaki mo fakasese ia aku tagata fakasausau, o tupu ke lotou fai feauaki ti ke lotou kai ni inati ala kua momoli ki taulaatua.