Lua tosi o Sau 9:6 - Tosi Tapu

⁶ Na malaga ake loa a Seu ki aluga, o ulu ki fale, ti na pani loa e le polofeta le lolo ki lona fa ulu, o pati : Ko leinei le folafola a le Eteleno, le Atua o Iselaele : E kau fakanofo a koe ko le sau o Iselaele, o le kakai a le Eteleno.

Lua tosi o Sau 9:6 ပူးပေါင်းရင်းမြစ်များ

Uluaki tosi o Sau 1:34

I ai, e fakanofo loa a ia e le tagata faisakilifisio ko Satoke mo le polofeta ko Natane ko le sau o Iselaele. E kotou pupusi loa le fakatagi pupusi, ti e kotou kalaga loa : Ke mauli le sau ko Salomone !

Uluaki tosi o Sau 10:9

Ke fakafetai ki le Eteleno, lou Atua, leia na tuku ia kiate koe le kalasia ke nofo i le ekeekeaga fakasau o Iselaele ! E tupu ko le alofa lee gato o le Eteleno ki Iselaele, leia kua fakanofo ai a koe e le Eteleno ko le sau o tupu ke ke fai le fakamaau mo le faitotonu.

Uluaki tosi o Sau 14:7

Ano, o pati kia Selopoamo : Ko leinei le folafola a le Eteleno, le Atua o Iselaele : Na kau too a koe mei loto malie o le kakai, na kau fakanofo a koe ko le pule o loku kakai ko Iselaele,

Uluaki tosi o Sau 16:2

Na kau siki a koe mei le efu, ti na kau fakanofo a koe ko le pule o loku kakai ko Iselaele ; kae kua ke mulimuli a koe i le ala o Selopoamo, ti kua ke fakaagasalai loku kakai ko Iselaele, ke tupu ai loku ita i alatou agasala,

Uluaki tosi o Sau 19:16

E ke toe pani lolo loa mo Seu, vosa o Nimesi, ko le sau o Iselaele ; ti e ke pani lolo loa mo Eliseo, vosa o Sapate, mei Apele-Meola, ko le polofeta ke fetogi ai a koe.

Uluaki tosi o Sau 3:8

Kua nofo lau tagata fakasausau i loto malie o le kakai leia na ke filifili, kakai api, leia e leaise mafai ke lau pe toka fia, o tupu ko lona api.

Lua tosi o Sau 9:3

E ke too loa le fagu lolo, o liligi a ia ki lona fa ulu, o ke pati loa : Ko leinei le folafola a le Eteleno : E kau pani lolo a koe ke ke sau ki Iselaele ! Ti e ke fakamavaa loa le matapa, ti ke sola loa, o leaise ke toe tuu.

Lua tosi o Sau 9:5

I lana kaku atu ki ai, ko leinei, na tonatona a pule o le solia. Na pati loa le polofeta : Pule, e kau fia masau kiate koe. Ti na tali loa a Seu : Kiate ai ia matou fuli nei ? Na tali loa le polofeta : kiate koe, pule.

Lua tosi o Koloniko 22:7

Ko le finegalo lena o le Atua ke ifo Akasia o fakatele kia Solame, talie ke mate ai. I le kaku loa a Akasia ki Siseleele, na ano loa a ia mo Solame o fakafetaulaki kia Seu, vosa o Nimesi, leia na fakanofo e le Eteleno ko le sau o tupu ke tamate le fale o Akapo ke puli.

Pesalemo 2:6

Ko au leia na pani lolo ia loku sau, I Sione, loku mauga maokioki !

Pesalemo 75:6

Aua na kotou siki okoutou ulu ke taualuga, Aua na kotou masau matasoka !

Esaia 45:1

Ko leinei le folafola a le Eteleno ki lana filifiliia, ko Silusi,

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Uluaki tosi a Samuele 10:1

Na too loa e Samuele le fagu lolo, o liligi ki le ulu o Saulo, mo sogi kiate ia, o pati : Pe na leaise pani lolo a koe e le Eteleno, ke ke nofo ko le pule o lona tofiga ?

Uluaki tosi a Samuele 2:7

E fakamativa ti e fakamoukoloa e le Eteleno, E tuku e ia ki lalo ti e siki e ia ki aluga.

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.