Lua tosi o Sau 9:37 - Tosi Tapu

³⁷ ti e fai loa le tino o Sesapele pe ni faikauga i aluga o faisaga, i le faisaga o Siseleele, ti e leaise toe mafai loa ke pati : Ko Sesapele.

Lua tosi o Sau 9:37 ပူးပေါင်းရင်းမြစ်များ

Pesalemo 83:10

Fai kia latou ofaipe Matiane Ofaipe Sisela, ofaipe Sapini i le vaitafe o Kisoni !

Pesalemo 83:11

Na maumaui latou i Ene-Toli, Ti na lotou liliu ko ni faikauga ke fakagako ai le kele.

Ekelesiasi 6:3

Kapau e maua loa e se tagata ni vosa e kau lelau, ti e mauli loa a ia i ni fetuu mauke, kae na leaise fiafia lona laumalie i lona mauli loa lena, ti na leaise fai sona putu i lona mate, e kau pati e malie ake le toe leia kua mate i lona fanaui i le tagata lena.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 22:19

E tanu loa a ia ofaipe se asino, E toso loa a ia o ti ki fafo mei matapa o Selusalemi ki le tua kolo.

Selemia 25:33

Ko latou ala e tamate loa e le Eteleno i le aso lena e tanaki loa Mei leia potu ki leia potu o le malama nei ; E leaise tagi loa kia latou, ti e leaise too loa latou, ti e leaise tanu loa latou. E lotou fai loa pe se nea fakagako kele i aluga o le kele.

Selemia 36:20

Na lotou ano loa ki le sau i le malae, kae lotou tuku le tosi i le kogafale o le sekalaipe ko Elisama, ti na lotou fakamatala loa a folafola fuli ki le sau.

Selemia 8:1

E pati le Eteleno : I le temi lena, e too loa mei olatou tanuma a ivi o sau o Suta, mo ivi o ona kau pule, mo ivi o ona kau tagata faisakilifisio, mo ivi o ona kau polofeta, ti mo ivi o kakai o Selusalemi.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Selemia 9:22

Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.

Sosue 15:56

mo Siseleele, mo Soketeame, mo Sanoake ;