Lua tosi o Sau 9:34 - Tosi Tapu

³⁴ ti na ulu loa a ia, o kai mo inu, ti na pati loa a ia : Kotou ano o tio ki le fafine malaia lena, ti kotou tanu a ia, talie ko se taine a ia o se sau.

Lua tosi o Sau 9:34 ပူးပေါင်းရင်းမြစ်များ

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Uluaki tosi o Sau 18:41

Ti na pati loa Elia kia Akapo : Pale, o kai mo inu ; talie e kau logo ki le logoa o le ua.

Uluaki tosi o Sau 21:25

Na leaise tasi kua fakatau ia a ia ofaipe Akapo ke fai le nea leia e veli ki mata o le Eteleno, ti na fakamakeke a ia e Sesapele, lana avaga.

Lua tosi o Sau 9:33

Na pati loa a Seu : Kotou ti mai a ia ki lalo ! Na lotou ti loa Sesapele ki lalo, o topisi loa lona toto ki le paa mo osi. Ti na takafi loa a ia e Seu ;

Lua tosi o Sau 9:35

Na lotou ano loa ke tanu a ia ; kae na lotou maua fai lona pati ulu, mo ona taga vae, ti mo ona alofilima.

Esitele 3:15

Na ano fakatavili loa le kau avetosi, o mulimuli ki le fakatotonu a le sau. Na fakasa foki le fono lena i Suse, le kolo mua ; ti na lolotoga inu le sau mo Amane, kae na maveuveu le kolo ko Suse.

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Amosi 6:4

E lotou malolo i ni palepale lei, E lotou moemoe fakafifimalie i olatou moeaga, E lotou kai a akeno o le kau manu A uviki pipi na fakagagako.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.