Lua tosi o Sau 9:27 - Tosi Tapu

²⁷ I le tio loa a Akasia, sau o Suta, ki le nea lena, na sola loa a ia i le ala o le fale o le oloto. Na tuli loa a ia e Seu, o pati : Mo ia foki, kotou taai a ia i le saliote ! Ti na taai loa Akasia i le paleaga o Kule, o ofi ki Sipeleami. Na mumuni loa a ia i Mekito, ti na mate ai loa a ia.

Lua tosi o Sau 9:27 ပူးပေါင်းရင်းမြစ်များ

Uluaki tosi o Sau 21:2

Ti na masau loa Akapo kia Napote o feneeki : Tuku mai lau faisaga vite, ke kau to ai se oloto magiti, talie e ofi fua a ia ki loku fale. E kau soli atu loa kiate koe se tasi ake faisaga vite leia e malie ake ke fetogi ai ; ti kapau e malie ake ke kau totogi paaga kiate koe, ti e kau totogi paaga loa a ia kiate koe.

Uluaki tosi o Sau 4:12

Na maua e Paana, vosa o Asilute, a Taanaki, mo Mekito, ti mo le fenua katoa o Pete-Seani leia na ofi ki Tesaletane, i lalo o Siseleele, mei Pete-Seani o kaku ki Apele-Meola, o toe natu i Sokemeami.

Lua tosi o Sau 10:4

Kae na lotou i lasi loa, o pati : Ko leinei, na leaise mafai e sau e lua ke tuu i ona mua, ti e feaki ake loa ke tou tutuu i ona mua ?

Lua tosi o Sau 11:1

I le tio loa a Atalia, tinana o Akasia, kua mate lona tama, na tuu ake loa a ia, o tamate le sakoga sau fuli.

Lua tosi o Sau 12:1

Na kamata sau Soasi i le fetuu fitu o le sau o Seu, ti na sau loa Soasi i fetuu e kau fa i Selusalemi. Na igoa lona tinana ko Tesipesa, mei Peele-Sepa.

Lua tosi o Sau 12:21

Ko Sosakale, vosa o Simeate, mo Sosapate vosa o Somele, ana tagata fakasausau, na taai ia loa a ia, ti na mate ai loa Soasi. Na tanu loa a ia mo ona tamana i le kolo o Tavite. Ti na sau loa Amatesia, lona vosa, o fetogi a ia.

Lua tosi o Sau 14:19

Na fono loa i Selusalemi ke tamate a ia, ti na sola loa a ia ki Lakisi ; kae na tuli loa a ia i Lakisi, o tamate.

Lua tosi o Sau 21:23

Na fono loa a tagata fakasausau a Amone ke tamate a ia, ti na lotou tamate loa le sau i lona fale.

Lua tosi o Sau 8:29

Na toe liliu loa le sau ko Solame, o faitoo ona lavea i Siseleele, ona lavea ala i le tau mo Asaele, sau o Silia. Na ifo loa Akasia, vosa o Solame, sau o Suta, o fakatele kia Solame, vosa o Akapo, i Siseleele, talie na masaki a ia.

Taagapati 13:20

Ko leia e nofo tuumau mo le kau poto e liliu loa o poto, Kae ko leia e fiafia i le nofo mo le kau vale e liliu loa o veli.

Numelo 16:26

Na masau loa a ia ki le fakatasi, o pati : Ke kotou fakamamao mei falela o tagata agaveveli ana ti ke aua na kotou fafa fua ki se nea e tasi o alatou nea, ke aua na kotou mamate fakatasi loa mo latou, o tupu ko alatou agasala fuli.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Sosue 17:11

Na maua loa e Manase i le tofiga o Isakale mo Asele : a Pete-Seani mo ona kolo liliki, mo Sipeleami mo ona kolo liliki, mo Tole mo ona kolo liliki, mo Ene-Toli mo ona kolo liliki, mo Taanaki mo ona kolo liliki, mo Mekito mo ona kolo liliki : ko fenua e tolu.

Tuifakamaau 1:27

Na leaise kapu loa e Manase le kakai o Pete-Seani ti mo ona kolo liliki, o Taanaki mo ona kolo liliki, o Tole mo ona kolo liliki, o Sipeleami mo ona kolo liliki, o Mekito mo ona kolo liliki ; ti na loto loa le kau Kanaane ke nonofo i le fenua lena.

Tuifakamaau 5:19

Na au loa a sau, na lotou tau loa, Io na tau loa a sau o Kanaane, I Tanaaki, i tafa o vai o Mekito ; Na leaise lotou ave ia loa se koloa, pe ko se paaga.