Lua tosi o Sau 9:18 - Tosi Tapu

¹⁸ Na ano loa le tagata ki mua o Seu, o pati : Ko leinei le masau a le sau : Pe ko le tokamalie ? Ti na tali loa a Seu : Pe mauiga le tokamalie kiate koe ? Muli mai iate au. Na fakasa loa e le tagata leo le nea kua soko : Na ano le tagata afa logo o kaku kia latou, ti na leaise toe liliu mai a ia.

Lua tosi o Sau 9:18 ပူးပေါင်းရင်းမြစ်များ

Lua tosi o Sau 9:17

Na tio loa le tagata leo mei le tule o Siseleele ki le au o le solia a Seu, ti na pati loa a ia : E kau tio ki se solia. Na pati loa Solame : Too se tagata ekeosi, ti kakau a ia ke ano o fakafetaulaki kia latou, o vesili pe ko le tokamalie leia e lotou au ai.

Lua tosi o Sau 9:19

Na toe kakau loa e Solame se tasi ake tagata ekeosi, leia na kaku loa, o pati kia latou : Ko leinei le masau a le sau : Pe ko le tokamalie ? Na tali loa a Seu : Kolea le uiga o le tokamalie kiate koe ? Muli mai iate au.

Lua tosi o Sau 9:22

I le temi fai leia na tio ai loa Solame kia Seu, na pati loa a ia : Pe ko le tokamalie, Seu ? Na tali loa Seu : Le tokamalie fea ! Kae kua ke iloa malie koi soko atu fai e lou tinana ko Sesapele lana tausi ki taulaatua mo lana fai a nea fakatemonio !

Lua tosi o Sau 9:31

I le temi leia na ulu mai ai loa a Seu i le matapa, na pati loa Sesapele : Pe ko le tokatokamalie, Simeli foou, tagata leia na tukipooi ia lona pule ?

Esaia 48:22

E leaise tokamalie ki le kau agaveli, e pati le Eteleno

Esaia 59:8

E leaise lotou iloa le ala o le tokamalie, Ti e leaise maua le faitotonu i olatou ala ; E lotou saele i ni ala pikopiko : Ko leia e saele i ai e leaise iloa ia le tokamalie.

Selemia 16:5

Talie e folafola le Eteleno, o pati : Aua na ke ulu ki se fale o le putu, Aua na ke ano o tagi i ai, mo tagi laulau i ai mo latou ; Talie kua kau too loku tokamalie i le kakai lena, e pati le Eteleno, Mo loku agamalie ti mo loku manava alofa.

Loma 3:17

E leaise lotou iloa le ala o le tokamalie.