Lua tosi o Sau 9:17 - Tosi Tapu

¹⁷ Na tio loa le tagata leo mei le tule o Siseleele ki le au o le solia a Seu, ti na pati loa a ia : E kau tio ki se solia. Na pati loa Solame : Too se tagata ekeosi, ti kakau a ia ke ano o fakafetaulaki kia latou, o vesili pe ko le tokamalie leia e lotou au ai.

Lua tosi o Sau 9:17 ပူးပေါင်းရင်းမြစ်များ

Lua tosi a Samuele 13:34

Na sola loa Apesalone. Ti na tio loa le tagata leo mei mamao ki ni fenua api ala e ifo ake i le ala leia i ona muli, i le fetuu o le mauga.

Lua tosi a Samuele 18:24

Na nofo Tavite i le vasa o matapa o le kolo. Na pale loa le tagata leo ki le ato o le matapa i le paa ; ti na tio loa a ia ki mamao. Ti ko leinei, na makape mai se tagata e toka tasi.

Uluaki tosi o Sau 2:15

Ti na pati loa Atonisa : E ke iloa a aku le puleaga fakasau, ti na tio a mata o Iselaele katoa kiate au ke fakanofo au ko le sau. Kae ko leinei kua maliu le puleaga, ti kua vilo a ia ki loku taina, talie kua soli a ia e le Eteleno kiate ia.

Lua tosi o Sau 7:14

Na too loa ni saliote e lua mo ni osi, ti na kakau loa e le sau ni tagata avelogo ke lotou mulii le anoaga o le solia a le kau Silia, o pati : Kotou ano o tioi.

Lua tosi o Sau 9:11

I le ulu ake loa a Seu ke ano ki tagata fakasausau a lona pule, na pati loa a ia kiate ia : Pe malie fai ? Kolea na au ai le vale lena kiate koe ? Na tali loa a Seu kia latou : E kotou iloa malie le tagata mo le nea leia e mafai ke pati a ia ki ai.

Lua tosi o Sau 9:16

Ti na eke loa a Seu ki lana saliote, o ano ki Siseleele, talie na moe i ai Solame, ti na ifo ki ai Akasia, sau o Suta, o fakatele kiate ia.

Lua tosi o Sau 9:18

Na ano loa le tagata ki mua o Seu, o pati : Ko leinei le masau a le sau : Pe ko le tokamalie ? Ti na tali loa a Seu : Pe mauiga le tokamalie kiate koe ? Muli mai iate au. Na fakasa loa e le tagata leo le nea kua soko : Na ano le tagata afa logo o kaku kia latou, ti na leaise toe liliu mai a ia.

Lua tosi o Sau 9:19

Na toe kakau loa e Solame se tasi ake tagata ekeosi, leia na kaku loa, o pati kia latou : Ko leinei le masau a le sau : Pe ko le tokamalie ? Na tali loa a Seu : Kolea le uiga o le tokamalie kiate koe ? Muli mai iate au.

Esaia 56:10

E kivi fuli ona tagata leo, sala atamai ; Ko latou fuli ko ni kuli gutu mate, ala e leaise mafai ke ko ; E lotou maua ni moe miti, e lotou momoe i lalo, E lotou manako ki le moe.

Esaia 62:6

I aluga o ou paa, Selusalemi, na kau fakanofo ni kau tagata leo ; E leaise lotou fakalologo loa i le ao mo le pouli. Koutou ala e fakamanatu ia a ia ki le Eteleno, E leaise malolo kia koutou !

Uluaki tosi a Samuele 16:4

Na fai loa e Samuele le nea leia na pati ki ai le Eteleno, ti na ano loa a ia ki Peteleemi. Na feoso ake loa le kau matua o le kolo, kua lulu, ki ona mua, o pati : Pe fakasa e lau kaku mai se nea malie ?

Uluaki tosi a Samuele 17:22

Na tuku loa e Tavite a nea ala na natu mo ia ki le tagata leoleo kavega, ti na makape loa a ia ki atu o le solia. I lana kaku atu fai, na vesili loa a ia ki ona fetaina pe lotou malolo.