Lua tosi o Sau 9:13 - Tosi Tapu

¹³ Ti na lotou tasi too loa lona kofu i le temi fai lena, o teki ki aluga o takakega ke tonatona ai a Seu ; ti na lotou pupusi loa le fakatagi pupusi, o pati : Kua sau a Seu !

Lua tosi o Sau 9:13 ပူးပေါင်းရင်းမြစ်များ

Lua tosi a Samuele 15:10

Na kakau loa e Apesalone ni tagata esipio i faasiga fuli o Iselaele, ke pati : Ka kotou logo loa ki le tagi o le fakatagi pupusi, e kotou pati loa : Kua sau Apesalone i Epelone.

Uluaki tosi o Sau 1:25

Talie kua ifo mai a ia i le aso nei, ti kua tamate e ia ni pipi, mo ni uviki pipi pepeti, ti mo ni ovi mauke ai ; ti kua fakaafe e ia a vosa fuli o le sau, mo pule o le solia, ti mo le tagata faisakilifisio ko Apiatale. Ti ko leinei, kua lotou kai mo inu i ona mua, ti kua lotou pati : Ke mauli le sau ko Atonisa !

Uluaki tosi o Sau 1:34

I ai, e fakanofo loa a ia e le tagata faisakilifisio ko Satoke mo le polofeta ko Natane ko le sau o Iselaele. E kotou pupusi loa le fakatagi pupusi, ti e kotou kalaga loa : Ke mauli le sau ko Salomone !

Uluaki tosi o Sau 1:39

Na too loa e le tagata faisakilifisio ko Satoke le talai manu lolo i le falela, ti na fakatapui loa e ia Salomone. Na pupusi loa le fakatagi pupusi, ti na pati loa le kakai katoa : Ke mauli le sau ko Salomone !

Lua tosi o Sau 11:12

Ti na aumai loa ki fafo e le tagata faisakilifisio ko Soasi le vosa o le sau, ti na teki loa e ia ki lona fa ulu le pala fakasau, ti na tuku loa e ia kiate ia le tosi o le lao. Na lotou pani loa a ia ki le lolo ke fakanofo a ia ke sau, ti na lotou pasipasi loa, o kalaga : Ke mauli le sau !

Lua tosi o Sau 11:14

Na tio loa Atalia. Ti ko leinei, kua tuu le sau i le ganea leia e nofo masani ai le sau ; ti kua tutuu a pule mo le kau pupusi fakatagi o ofi ki le sau : ti kua fakafiafia le kakai katoa o le fenua, ti kua pupusi a fakatagi pupusi. Na sae loa e Atalia ona teu, o kalaga : Ko le kaka ! Ko le kaka !

Lua tosi o Sau 9:12

Kae na lotou tali loa : E ke loi ! Ke ke tali mai kia matou ! Ti na pati loa a Seu : Na masau feneeki mai a ia, o pati : Ko leinei le folafola a le Eteleno : E kau fakanofo a koe ko le sau o Iselaele.

Pesalemo 98:6

I le leo o fakatagi pupusi mo le talai manu, Kotou fai ni kalaga fakafiafia i mua o le sau, le Eteleno !

Luka 19:36

I le ano a Sesu, na fola e le kakai olatou kofu i le ala.