Lua tosi o Sau 8:6 - Tosi Tapu

⁶ Na fakavesilii loa e le sau le fafine, ti na fakamatala loa e le fafine kiate ia le nea na soko. Ti na tuku loa e le sau ki le fafine se enuke, o fakatotonu kiate ia : Ke toe fakaliliu ki le fafine leinei ana nea fuli, mo le tupu katoa o lana faisaga talu mei le aso leia na mavae ai a ia o kaku mai ki le aso nei.

Lua tosi o Sau 8:6 ပူးပေါင်းရင်းမြစ်များ

Senesi 37:36

Na fakatau loa e le kau Matiane a Sosefo i Esipito kia Potifale, ko le ofisa a Falaone, ko le pule o le kau leo.

Lua tosi a Samuele 9:7

Na pati loa Tavite kiate ia : Aua na ke i, talie e kau loto ke kau fakasa kiate koe le nea e malie, o tupu ko Sonatane, lou tamana. E kau liufaki loa kiate koe a kele fuli o Saulo, lou tupuna, ti e ke kai tuumau loa i loku laupapa.

Lua tosi o Sau 8:5

Ti na lolotoga fakamatala loa e Keasi ki le sau le fakamauli e Eliseo se tasi na mate, ko leinei, na tau ake le fafine leia na fakamauli lona toe e Eliseo, ke kole ki le sau ke tuku ake lona fale mo lona kele. Na pati loa Keasi : Ei sau, loku aliki, ko leinei le fafine, ti ko leinei mo lona tama leia na fakamauli e Eliseo.

Lua tosi o Sau 8:7

Na ano loa Eliseo ki Tamaso. Na masaki Pene-Atate, sau o Silia ; ti na fakasa loa kiate ia, o pati : Kua tau mai ki leinei le tagata a le Atua.

Lua tosi o Sau 9:32

Na tagaki ake loa a Seu ki le katupa, o pati : Ko ai e kau mo au ? Ko ai ? Ti na faino loa ni enuke e toka lua pe toka tolu mei le katupa.

Uluaki tosi o Koloniko 28:1

Na fakatasii loa e Tavite a pule fuli o Iselaele, a pule o faasiga, mo pule o kau gaoi ala na gaoi ki le sau, mo pule o tino afe mo tino lelau, latou ala na tokaga ki koloa mo kau manu a le sau, mo latou ala na tokaga ki ona vosa, le kau enuke, mo tagata makeke, ti mo tagata toa fuli.

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Taagapati 21:1

Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Tetelonome 22:2

Kapau e leaise nofo lou taina o ofi kiate koe, ti kapau e leaise ke iloa a ia, e tonu ke ke ave loa le manu ki lou fale, ti e tonu ke nofo loa le manu i lou fale o kaku ki le temi leia e afa ai loa a ia kiate koe e lou taina.

Tuifakamaau 11:13

Na tali loa le sau o vosa o Amone ki tagata avelogo a Sefete : Talie na too loa loku fenua e Iselaele, i le aso leia na mavae ai a ia i Esipito, mei Alenone o kaku ki Sapoke mo le Solotane. Ke ke toe tuku mai a ia kiate au i le aso nei mo le loto malie.