Lua tosi o Sau 8:5 - Tosi Tapu

⁵ Ti na lolotoga fakamatala loa e Keasi ki le sau le fakamauli e Eliseo se tasi na mate, ko leinei, na tau ake le fafine leia na fakamauli lona toe e Eliseo, ke kole ki le sau ke tuku ake lona fale mo lona kele. Na pati loa Keasi : Ei sau, loku aliki, ko leinei le fafine, ti ko leinei mo lona tama leia na fakamauli e Eliseo.

Lua tosi o Sau 8:5 ပူးပေါင်းရင်းမြစ်များ

Uluaki tosi o Sau 20:1

Na fakatasii loa e Pene-Atate, sau o Silia, lana kau solia katoa. Na maua e ia mo ia ni sau e tino tolu tupu lua, mo osi, ti mo ni saliote. Na pale ake loa a ia, o takatakai Samalia ki lana kau tau, ke taui a ia.

Lua tosi o Sau 4:12

Na pati loa a ia kia Keasi, lana tagata fakasausau : Kalagai mai le fafine Sunami. Na kalagai loa a ia e Keasi, ti na ano loa le fafine o tuu i mua o le ga kogafale.

Lua tosi o Sau 4:35

Na toe ifo loa Eliseo, o feanoaki i le kogafale, ti na toe pale a ia o moe ki le toe. Ti na mafatua loa le toe o tua fitu, ti na fakamavaa loa e ia ona mata.

Lua tosi o Sau 6:12

Na tali loa se tasi o ana tagata fakasausau : E leaise tasi ai ! ei sau, loku aliki ; kae ko Eliseo, le polofeta leia i Iselaele, e fakasa ia ki le sau o Iselaele a masau fuli ala e ke fai i lou kogafale moe.

Lua tosi o Sau 6:26

I se aso, na saele loa le sau i aluga o le paa, ti na kalaga loa se fafine kiate ia : Ei sau, loku aliki, saofaki au !

Lua tosi o Sau 8:6

Na fakavesilii loa e le sau le fafine, ti na fakamatala loa e le fafine kiate ia le nea na soko. Ti na tuku loa e le sau ki le fafine se enuke, o fakatotonu kiate ia : Ke toe fakaliliu ki le fafine leinei ana nea fuli, mo le tupu katoa o lana faisaga talu mei le aso leia na mavae ai a ia o kaku mai ki le aso nei.

Esitele 5:14

Na pati loa Selesa, lana avaga, mo ona kaukaunea fuli kiate ia : Ke teuteui se laakau ke meta kau lua tupu fitu lona taualuga, ti ke kole loa ki le sau i apogipogi ke tautau i ai a Maletoseo ; ti o ke ano loa i le fiafia ki le kai mo le sau. Na malie le manatu lena kia Amane ti na fakatotonu loa e ia ke teuteui le laakau.

Pesalemo 145:1

Fakafetai. A Tavite. E kau siki loa a koe, ei loku Atua, loku sau ! Ti e kau fakafetai loa ki lou suafa i temi fuli, o lee gato.

Taagapati 16:9

E fakakaukau le loto o le tagata ki lona ala, Kae ko le Eteleno leia e taki ia ona lakaaga.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Lute 2:3

Na ano loa a ia o tae fulumeto i se faisaga, i muli o le kau tuuti fulumeto. Ti na to manuia loa na maua le faisaga lena e Poase, leia mei le famili o Elimeleke.

Uluaki tosi a Samuele 26:17

Na iloa loa e Saulo le leo o Tavite, ti na pati loa a ia : Pe ko lou leo totonu, ei loku vosa ko Tavite ? Ti na tali loa Tavite : Ko au totonu, ei sau, loku aliki !