Lua tosi o Sau 8:4 - Tosi Tapu

⁴ Na masau le sau mo Keasi, tagata fakasausau a le tagata a le Atua, ti na pati le sau : E kau kole atu kiate koe ke ke fakamatala mai a nea lalasi fuli ala na fai e Eliseo.

Lua tosi o Sau 8:4 ပူးပေါင်းရင်းမြစ်များ

Lua tosi o Sau 2:14

na too loa e ia le taupulupulu leia na fakavilo e Elia, ti na taai loa e ia ki ai le vai, o pati : Kofea le Eteleno, le Atua o Elia ? Ti na toe taai foki e ia le vai o le vaitafe, ti na mavaelua loa le vai, ti na fakalaka loa a ia.

Lua tosi o Sau 2:24

Na tagaki loa ki muli a Eliseo, o tio ki toe, ti na fakamalaia loa e ia latou i le suafa o le Eteleno. Ti na au loa ni uluso e lua mei le vao, o kai a toe e tino fa tupu lua.

Lua tosi o Sau 4:12

Na pati loa a ia kia Keasi, lana tagata fakasausau : Kalagai mai le fafine Sunami. Na kalagai loa a ia e Keasi, ti na ano loa le fafine o tuu i mua o le ga kogafale.

Lua tosi o Sau 4:25

Na ano loa le fafine ki le tagata a le Atua i le mauga o Kalemelo. I le tio loa a le tagata a le Atua mei mamao ki le fafine, na pati loa a ia kia Keasi, lana tagata fakasausau : Ko leinei le fafine Sunami e au !

Lua tosi o Sau 5:14

Na ifo loa Naamane, o uku tua fitu i le Solotane, o mulimuli ki le folafola a le tagata a le Atua ; ti na liliu loa lona kili ofaipe se kili o se ga toe memea, ti na mea loa a ia.

Lua tosi o Sau 6:32

Kae na tonatona Eliseo i lona fale, ti na tonatona le kau matua i ona tafa. Na kakau loa e le sau se tasi kia Eliseo ; kae i mua o le kaku ake a le tagata avelogo, na pati loa Eliseo ki le kau matua : Kotou tio mua, kua kakau mai e le nea tukipo lena se tasi ke au o tamate au. Kotou fakalogo mai ! ka kaku mai loa le tagata avelogo, kotou tapono le matapa kiate ia ke aua na ulu mai ki loto : pe leaise kotou logo loa ki le saele mai o lona pule i ona muli ?

Lua tosi o Sau 6:6

Na pati loa le tagata a le Atua : Na vilo a ia kifea ? Ti na fakasa ake loa e le tagata kiate ia le ganea leia na vilo a ia ki ai. Ti na tuuti loa e Eliseo se ga potu laakau, o ti ki le ganea lena ti na tele ake loa le ukamea.

Lua tosi o Sau 7:1

Na pati loa Eliseo : Kotou fakalogo ki le folafola a le Eteleno ! I apogipogi, i le ola leinei, e maua loa ni kilo falina e kau agafulu tupu lua ki se fa piesi paaga e tasi ti mo ni kilo falina olese e kau lua tupu fa ki se fa piesi paaga e tasi, i le maketi o Samalia.

Lua tosi o Sau 7:10

Na lotou ano loa, o kalagai a tagata leo o le matapa o le kolo, ti na lotou fakamatala loa kia latou, o pati : Na motou ulu ki le nofolaga o le kau Silia, ti ko leinei, na leaise tasi fua i ai, na leaise logo fua i ai ki se leo o se tagata ; gato fai ki osi mo asino na sasai i ai, ti mo falela na titiaki felaaki i ai.

Lua tosi o Sau 7:3

Na i ai ni tagata kilia e toka fa i le mua o le matapa o le kolo, ala na fepatiaki loa : Kolea e tou nonofo ai loa i leinei o kaku ki lotatou mamate ?

Lua tosi o Sau 8:3

I le sili o fetuu e fitu, na toe liliu loa le fafine mei le fenua o le kau Filisitini, ti na ano loa a ia o tagi ki le sau ke toe tuku ake lona fale mo lona kele.

Mateo 2:8

Ti na kakau loa e ia latou ki Peteleemi, o pati : Kotou ano, ti kotou afaafa a anoaga totonu fuli o uiga mo le ga toe ; ti ka kotou maua loa a ia, kotou fakailo mai kiate au, o tupu ke kau ano foki mo au totonu o atolasio kiate ia.

Luka 23:8

I le tio a Elote kia Sesu, na fiafia lasi ai a ia ; talie kua fualoa ai lana oli ke tio kiate ia, o tupu ko nea ala na logo a ia ki ai o uiga mo ia, ti na amanaki a ia ke tio a ia ki le fai e Sesu o ni milakulo.

Luka 9:9

Kae na pati loa Elote : Kua kau fakatotonu ke tuuti le ua o Soane ; ti ko ai leinei e kau logo e masaui ki ai a nea anei ? Ti na faiga loa a ia ke tio kia Sesu.

Soane 9:27

Na tali loa a ia kia latou : Kua oki i laku fakasa atu kia koutou, ti na leaise kotou fakalogo ; kolea e kotou toe fia logo ai ki ai ? Pe kotou loto ke kotou liliu foki ko ana tisipulo ?

Gaoi 24:24

I le sili o ni iki a aso, na au loa Felise mo lana avaga ko Tulusila, leia ko se fafine Sutea, ti na kalagai loa e ia Paulo. Na fakalogo loa a ia kae masau loa Paulo ki le tui kia Kilisito.