Lua tosi o Sau 8:28 - Tosi Tapu

²⁸ Na ano loa a ia mo Solame, vosa o Akapo, o taui Asaele, sau o Silia, i Lamoti i Kalaate. Ti na lavea loa Solame i le kau Silia.

Lua tosi o Sau 8:28 ပူးပေါင်းရင်းမြစ်များ

Uluaki tosi o Sau 19:17

Ti e soko loa ko leia e sao loa i le seleta a Asaele, e tamate loa a ia e Seu ; ti ko leia e sao loa i le seleta a Seu, e tamate loa a ia e Eliseo.

Uluaki tosi o Sau 22:29

Na pale loa le sau o Iselaele mo Sosafate, sau o Suta, ki Lamoti i Kalaate.

Uluaki tosi o Sau 4:13

Ko le vosa o Kepele, i Lamoti o Kalaate ; na maua e ia a kolo o Saili, vosa o Manase, i Kalaate ; na toe maua foki e ia le fenua o Alekopi i Pasani, ko kolo lalasi e kau ono ala na takatakai e paa ti na tapono ki ni matapa sila.

Lua tosi o Sau 3:7

Na saele loa a ia, ti na kakau loa e ia ke pati kia Sosafate, sau o Suta : Kua agatuu le sau o Moape kiate au ; pe ke loto ke ke au mo au o taui Moape ? Na tali loa Sosafate : E kau ano loa, a au ofaipe koe, loku kakai ofaipe lou kakai, laku kau osi ofaipe lau kau osi.

Lua tosi o Sau 8:15

I leia ake aso, na too loa e Asaele se tupenu o fakasusu, ti na puloui loa e ia ki ai a mata o le sau leia na mate loa. Ti na sau loa Asaele, o fetogi Pene-Atate.

Lua tosi o Sau 8:29

Na toe liliu loa le sau ko Solame, o faitoo ona lavea i Siseleele, ona lavea ala i le tau mo Asaele, sau o Silia. Na ifo loa Akasia, vosa o Solame, sau o Suta, o fakatele kia Solame, vosa o Akapo, i Siseleele, talie na masaki a ia.

Lua tosi o Sau 9:1

Na kalagai loa e Eliseo, le polofeta, se tasi i vosa o le kau polofeta, o pati kiate ia : Toi lou kilii pipi, ti ke too le fagu lolo leinei, o ano ki Lamoti i Kalaate.

Lua tosi o Sau 9:14

Ti na fono loa a Seu, vosa o Sosafate, vosa o Nimesi, ke tamate Solame. I le temi lena, na saofaki e Solame mo Iselaele katoa le kolo ko Lamoti i Kalaate mei a Asaele, sau o Silia ;

Lua tosi o Sau 9:15

Kae kua toe liliu loa le sau ko Solame o faitoo ona lavea i Siseleele, lavea ala i le tau mo Asaele, sau o Silia. Na pati loa a Seu : Kapau ko leinei lokoutou loto, ti e leaise toe sola loa se tasi mei le kolo, ke ano o fakasa le logo leinei ki Siseleele.

Lua tosi o Sau 9:16

Ti na eke loa a Seu ki lana saliote, o ano ki Siseleele, talie na moe i ai Solame, ti na ifo ki ai Akasia, sau o Suta, o fakatele kiate ia.

Lua tosi o Koloniko 18:31

I le tio loa a pule o saliote kia Sosafate, na lotou pati loa : Ko le sau a ia o Iselaele ! Ti na lotou takatakai loa a ia ke taui. Na fai loa e Sosafate se kalaga, ti na tokoi loa le Eteleno kiate ia, ti na fakamamao loa latou e le Atua meiate ia.

Lua tosi o Koloniko 19:2

Ti na ano loa Seu, vosa o Anani, le polofeta, o fakafetaulaki kiate ia. Ti na pati loa a ia ki le sau ko Sosafate : Pe totonu kiate koe ke ke tokoi ki le tagata agaveli ? Pe ke alofa kia latou ala e vesia ki le Eteleno ? Koia kua ita ai le Eteleno kiate koe.

Lua tosi o Koloniko 22:5

Na muli loa a ia ki alatou tokoi, o ano loa a ia mo Solame, vosa o Akapo, sau o Iselaele, ke taui Asaele, sau o Silia, i Lamoti i Kalaate. Ti na lavea loa Solame i le kau Silia.

Sosue 20:8

I leia ake fetuu o le Solotane, i le fetuu esite o Seliko, na lotou filifili loa Petesele, i le toafa leia e kau ki le faasiga o Lupeni, mo Lamoti, i Kalaate, leia e kau ki le faasiga o Kate, ti mo Kolani i le fenua o Pasani, leia e kau ki le faasiga o Manase.

Sosue 21:38

mei le faasiga o Kate, le kolo ulufaga ki le kau tukipo ko Lamoti i Kalaate mo ona tua kolo, mo Maanaimi mo ona tua kolo,