Lua tosi o Sau 8:21 - Tosi Tapu

²¹ Na ano loa Solame ki Tesaile, mo ana saliote fuli ; na tuu ake loa a ia i le pouli, o tamate le kau Etome leia na takatakai ia a ia ti mo pule o saliote, ti na sosola loa le kakai ki ona falela.

Lua tosi o Sau 8:21 ပူးပေါင်းရင်းမြစ်များ

Lua tosi a Samuele 18:17

Na lotou too loa Apesalone, ti na lotou ti loa a ia ki se fa popoko lasi i le vaomatua, ti na lotou laku loa ni fatu i aluga. Na sola loa Iselaele katoa, o tasi ano ki lona falela.

Lua tosi a Samuele 19:8

Ti na tuu ake loa le sau o tonatona i le matapa. Na fakasa loa ki le kakai, ko leinei le sau kua tonatona i le matapa o le kolo, ti na au loa le kakai katoa ki mua o le sau. I le temi lena na sola loa Iselaele, o tasi ano ki lona kaiga.

Lua tosi o Sau 14:7

Na tamate loa e ia a tagata Etome e tino agafulu afe, i le vaivailiua o le patai ; i le tau, na too loa e ia le kolo ko Sela, ti na fakaigoa loa e ia ko Soketeele, igoa na taupau loa e ia o kaku mai ki le aso nei.

Luka 21:20

Ka kotou tio loa kua takatakai Selusalemi e ni kau tau, ti kotou iloa kua vave fua lona maumaui.