Lua tosi o Sau 8:12 - Tosi Tapu

¹² Na pati loa Asaele : Kolea e tagi ai loku aliki ? Ti na tali loa Eliseo : Talie e kau iloa le veli fuli leia e ke fai loa ki fanau o Iselaele ; e ke tutu loa olatou kolo tau, e ke tamate loa ki le seleta ona kau tagata tupulaga, e ke laliki loa alatou fanau liliki, ti e ke fakapaisi loa a manava o fafine tinanae.

Lua tosi o Sau 8:12 ပူးပေါင်းရင်းမြစ်များ

Uluaki tosi o Sau 18:13

Pe na leaise fakasa atu ki loku aliki le nea leia na kau fai i le temi leia na tamate ai e Sesapele a kau polofeta a le Eteleno ? Na kau fufu a kau polofeta e tino lelau a le Eteleno, o taki tino lima i se ana, ti na kau fagai latou ki le pane mo le vai.

Uluaki tosi o Sau 19:17

Ti e soko loa ko leia e sao loa i le seleta a Asaele, e tamate loa a ia e Seu ; ti ko leia e sao loa i le seleta a Seu, e tamate loa a ia e Eliseo.

Lua tosi o Sau 12:17

Na pale loa Asaele, sau o Silia, o taui a Kate, o maua loa e ia. Ti na manatu loa Asaele ke pale, o taui Selusalemi.

Lua tosi o Sau 12:18

Na too loa e Soasi, sau o Suta, a nea tapu fuli, a nea ala na tanaki e Sosafate, mo Solame, ti mo Akasia, ona tamana ko sau o Suta, a nea ala na tanaki e ia totonu mo le aulo katoa leia na tuku i koloa o le fale o le Eteleno ti mo le fale o le sau ; ti na fakamomoli loa e ia a nea fuli kia Asaele, sau o Silia, ti na leaise pale ake loa a Asaele o taui Selusalemi.

Lua tosi o Sau 13:22

Na fakamakeke Iselaele e Asaele, sau o Silia, i le mauli katoa o Soakase.

Lua tosi o Sau 13:3

Na vilo loa le sausau o le Eteleno ki Iselaele, ti na tuku loa e ia latou ki lima o Asaele, sau o Silia, ti mo lima o Pene-Atate, vosa o Asaele, i le temi katoa na mauli ai a sau ana.

Lua tosi o Sau 13:7

Na fakamauli loa e le Eteleno ni kau tagata ekeosi e tino lima i le kakai katoa o Soakase, mo saliote e kau agafulu ti mo ni kau tagata solia lalo e tino agafulu afe ; talie na tamate loa latou e le sau o Silia, ti na fakaliliu e ia latou ofaipe le efu leia e takatakafi ki vae.

Lua tosi o Sau 15:16

Ti na taai loa e Menaemi le kolo ko Tifesake, mo le kakai katoa leia na nofo i ai, mo lona fenua katoa mei Tilesa ki Tifesake ; na taai loa e ia o tupu na leaise fakamavaa e ia ona matapa, ti na fakapaisi loa e ia a manava o fafine fuli na tinanae.

Lua tosi o Sau 4:28

Ti na pati loa le fafine : Pe na kau kole se vosa ki loku aliki ? Pe na leaise kau pati atu : Aua na ke loiloisii au ?

Esaia 13:16

E laliki loa alatou fanau i olatou mua, Ti e kaia loa olatou fale, ti e fakamakeke loa alatou fafine.

Esaia 13:18

E lotou tamate loa le kau tupulaga ki alatou kalolo, Ti e leaise lotou toe manava alofa loa ki le fua o manava ; E leaise fakamauli loa e olatou mata a fanau liliki.

Oseo 10:14

E malaga loa se maveuveu i lou kakai, Ti e maumaui loa ou kolo tau fuli, Ofaipe le maumaui e Salemane a Pete-Alepele, I le aso o le tau, Leia na takatakafi ai le tinana mo ana fanau.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.

Naume 3:10

Kae logo ai le nea lena, kua ano a ia ki se fenua kese, Kua ave a ia ki le popula ; Kua laliki ana fanau i poko o ala fuli ; Kua vae ona aliki, Kua sai ona pule tau fuli ki ni tini.